ព្រះខ័នរាជស្វាយរៀង កក់កៅអីវគ្គ ៨ក្រុមចុងក្រោយ និងជាវគ្គលផ្តាច់ព្រ័ត្រ ប្រចាំតំបន់អាស៊ី ខាងកើត នៃពានរង្វាន់ AFC Challenge League ២០២៥-២៦ Group Stage វគ្គចែកពូល (តំបន់ខាងកើត) ក្រោយធ្វើបានយ៉ាងល្អ ដោយឈ្នះ ២ប្រកួតជាប់គ្នា ពូល D ស្របពេលនៅសល់តែ១ប្រកួត ទៀតប៉ុណ្ណោះ ត្រូវជួបក្រុម Manila Digger របស់ហ្វីលីពីន ដើម្បីកាត់សេចក្ដីរកក្រុមឈរកំពូលតារាង។
ងាកមកភ្នំពេញក្រោនវិញ ក៏ធ្វើបានយ៉ាងល្អដែរ ដោយឆ្លងកាត់២ ប្រកួតដូចគ្នា ស្មើ១ ជាមួយម្ចាស់ផ្ទះឥណ្ឌូណេស៊ី Dewa United និងឈ្នះ១ លើកក្រុម Shan United របស់មីយ៉ាន់ម៉ា ដោយធ្វើការវាយបកបានយ៉ាងល្អ ក្នុងលទ្ធផល ៣-១ នៅឈរលេខ២ ក្នុងពូល E។
តារាងចំណាត់ថ្នាក់ពូល D ដែលមានព្រះខ័នរាជស្វាយរៀង ជាម្ចាស់ផ្ទះ រួមមាន៖
- ព្រះខ័នរាជស្វាយរៀង របស់កម្ពុជា ឈ្នះ២ មាន ៦ពិន្ទុ
- Manila Digger FC របស់ហ្វីលីពីន ឈ្នះ២ មាន ៦ពិន្ទុ
- SP Falcons របស់ម៉ុងហ្គោលី ចាញ់២ មាន ០ពិន្ទុ
- Ezra FC របស់ឡាវ ចាញ់២ មាន ០ពិន្ទុ។
ថ្ងៃទី១ ខែវិច្ចិកា ឆ្នាំ២០២៥ Manila Digger FC របស់ហ្វីលីពីន ប៉ះ ព្រះខ័នរាជស្វាយរៀង ម៉ោង ៧:០០ នាទីយប់ ខណៈការប្រកួតទាំង ៣របស់ព្រះខ័នរាជស្វាយរៀង គឺធ្វើឡើងនៅនៅពហុកីឡដ្ឋានជាតិមរតកតេជោ។
ដោឡែកសម្រាប់ពូល E ដែលមានភ្នំពេញក្រោន ក្រោយស្មើ ១-១ ជាមួយម្ចាស់ផ្ទះ Dewa United៖
- Dewa United របស់ឥណ្ឌូណេស៊ី ឈ្នះ១ ស្មើ១ មាន ៤ពិន្ទុ
- ភ្នំពេញក្រោន របស់កម្ពុជា ឈ្នះ១ ស្មើ១ មាន ៤ពិន្ទុ
- Tainan City FC របស់តៃវ៉ាន់ ឈ្នះ១ ចាញ់១ មាន ៣ពិន្ទុ
- Shan United របស់មីយ៉ាន់ម៉ា ចាញ់២ មាន ០ពិន្ទុ។
ថ្ងៃទី១ ខែវិច្ចិកា ឆ្នាំ២០២៥ Tainan City របស់តៃវ៉ាន់ ប៉ះ ភ្នំពេញក្រោន ម៉ោង ៣:០០នាទីរសៀល ខណៈការប្រកួតទាំង៣របស់ភ្នំពេញក្រោន ធ្វើឡើងនៅ កីឡដ្ឋាន Indomilk Arena។
គួរបញ្ជាក់ថា កម្មវិធីប្រកួតវគ្គជម្រុះក្នុងពូលតាមតំបន់ទាំង២ បានចាប់ផ្ដើមកាលពីថ្ងៃទី២៥ តុលា សម្រាប់តំបន់អាស៊ីខាងលិច និងថ្ងៃទី២៦ តុលា សម្រាប់តំបន់អាស៊ីខាងកើត ខណៈវគ្គផ្ដាច់ព្រ័ត្រ ពានរង្វាន់កម្រិតទី៣ ប្រចាំទ្វីប AFC Challenge League ២០២៥-២៦ នេះ នឹងធ្វើឡើងនៅថ្ងៃទី៩ ខែឧសភា ឆ្នាំ២០២៦ ខាងមុខ៕
