នៅព្រឹកថ្ងៃទី៣១ ខែតុលា ឆ្នាំ ២០២៥ ក្រុមប្រឹក្សាកីឡាក្រសួងមហាផ្ទៃ បានបញ្ជូន ក្រុមអត្តពលិក វ៉ូវីណាម ក្រសួងមហាផ្ទៃ និងជាអត្តពលិកវ៉ូវីណាម ជម្រើសជាតិកម្ពុជា ចំនួន ១០រូប ចេញទៅប្រកួតក្នុងព្រឹត្តិការណ៍ The 8th WVVF World Vovinam Championships នៅកោះបាលី ប្រទេសឥណ្ឌូណេស៊ី។
ក្នុងដំណើររបស់ក្រុមអត្តពលិក វ៉ូវីណាម ក្រសួងមហាផ្ទៃ និងជាអត្តពលិកវ៉ូវីណាម ជម្រើសជាតិកម្ពុជា លោកឧត្តមសេនីយ៍ត្រី ប្រាក់ វណ្ណដា ប្រធានអង្គភាពកីឡានគរបាលជាតិកម្ពុជា តមណាងឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិកាដ្ឋានក្រុមប្រឹក្សាកីឡាក្រសួងមហាផ្ទៃ បានជូនដំណើរក្រុមអត្តពលិក តាមច្រកអាកាសយានដ្ឋានអន្តរជាតិតេជោ។
សូមជម្រាបជូនថា ក្នុងព្រឹត្តិការណ៍នេះ កម្ពុជាបញ្ចូនកីឡាករ កីឡាការិនី ចូលរួមសរុប ២០រូប ដោយក្នុងនោះ កីឡាករ កីឡាការិនី នៃសមាគមកីឡាវ៉ូវីណាមក្រសួងមហាផ្ទៃមានចំនួន ១០រូប។ ព្រឹត្តិការណ៍ The 8th WVVF World Vovinam Championships នឹងប្រព្រឹត្តទៅចាប់ពីថ្ងៃទី១ ដល់ថ្ងៃទី៨ ខែវិច្ឆិកា ឆ្នាំ២០២៥ នៅកោះបាលី ប្រទេសឥណ្ឌូណេស៊ី៕
