ក្រុមកំពូលតារា ព្រះខ័នរាជស្វាយរៀង នឹងត្រូវធ្វើដំណើរមកកាន់ទឹកដីរង្វង់មូលកាំកូស៊ីធី ដើម្បីជួបក្រុមម្ចាស់ផ្ទះភ្នំពេញក្រោយ ក្នុងការប្រកួតប្រកួតសប្តាហ៍ទី១៦ ថ្ងៃអាទិត្យ ទី១៨ ខែមករា នៃលីគបាល់ទាត់កំពូលកម្ពុជា រដូវកាល ២០២៥-២៦ វេលាម៉ោង ៦:០០នាទីល្ងាច ។
ការប្រកួតដែលអ្នកគាំទ្រកំពុងរង់ចាំនេះ នឹងក្លាយជាជំនួបដ៏ធំគួរឱ្យចាប់អារម្មណ៍បំផុតចុងសប្ដាហ៍នេះ សម្រាប់បាល់ទាត់កម្ពុជា នៅពេលក្រុមចំណាត់ថ្នាក់លេខ២ ត្រូវប្រកួតដណ្ដើមកៅអីលេខ ១ និងបន្តក្ដីស្រមៃក្នុងការឈ្នះជើងឯក សម្រាប់រដូវកាលនេះ។
ក្រោយស្មើជាមួយ MOI កំពង់ដេវ៉ា ១-១ ភ្នំពេញក្រោន នៅបន្តរក្សាតំណែងមិនទាន់ចាញ់ ឈរនៅលេខ២ លេងបាន១៤ប្រកួត ឈ្នះ១០ប្រកួត និងស្មើ៤ មាន ៣៤ពិន្ទុក្នុងដៃ ស្របពេលព្រះខ័នរាជស្វាយរៀង ឈរលេខ១ លេងបាន ១៥ប្រកួត ឈ្នះ១២ប្រកួត ចាញ់៣ប្រកួត មាន ៣៦ពិន្ទុ។
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ ចាប់ផ្តើមពី ថ្ងៃសៅរ៍ ទី៩ ខែសីហា ឆ្នាំ២០២៥ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
