មួយរយៈពេលកន្លងមកនេះកម្មវិធីប្រកួតបវរកញ្ញាចក្រវាឡឆ្នាំ២០២១ ពិសេសបេក្ខនារីជយលាភីចំណាត់ថ្នាក់លេខ១កញ្ញា ងិន ម៉ារ៉ាឌី ហាក់ជួបព្យុះភ្លៀងរងនូវការរិះគន់យ៉ាងខ្លាំងពីសំណាក់អ្នកគាំទ្រមួយចំនួនដោយលើកហេតុផលមួយចំនួនមករិះគន់ម្ចាស់ជយលាភីរូបនេះ។ យ៉ាងណាមិញអ្នកគាំទ្រមួយចំនួន ដែលជាអ្នកស្រលាញ់ចូលចិត្តនិងពេញចិត្តចំពោះលទ្ធផលនិងសេចក្ដីសម្រេចរបស់គណៈកម្មការប្រកួតបានលើកឡើងយកករណីរបស់បវរកញ្ញាចក្រវាឡប្រទេសចាម៉ៃកាមកតបតចំពោះអ្នករិះគន់វិញ។
សូមចុចអាន ងិន ម៉ារ៉ាឌី៖ តស៊ូមតិបញ្ឃប់ការរេីសអេីងអ្នកស្រលាញ់ភេទដូចគ្នាជាប់ជាបវរកញ្ញាចក្រវាឡ
យោងតាមក្រុម (Group) អ្នកគាំទ្របវរកញ្ញាចក្រវាឡកម្ពុជាបានធ្វើការផុសប្រៀបធៀបលើកយកករណីបវរកញ្ញាប្រទេសចាម៉ៃកា ដែលទើបតែរកឃើញម្ចាស់មកុដរបស់ខ្លួនឃើញកាលពីថ្ងៃ៣១ ខែតុលា ឆ្នាំ២០២១ កន្លងមកនេះថា «Jamaica 
: ថ្ងៃនេះប្រទេស Jamaica (ចាម៉ៃកា)បានរកឃើញម្ចាស់មកុដហើយសម្រាប់ MISS UNIVERSE 2021 ។
ក្រឡេកមើលកម្ពស់នាងគឺមានកម្ពស់ទាប ប៉ុន្តែប្រជាជនចាម៉ៃកាមួយចំនួនធំមានការយល់ដឹងខ្ពស់ មានសីលធម៌ក្នុងខ្លួន ប្រជាជន Jamaica Fan pageant គេបានប្រើសតិច្រើនជាងអារម្មណ៍ ដោយគេមិនវាយប្រហារលើបរវកញ្ញាគេឡើយ តែគេចូលរួមគ្នាជាធ្លុងមកលើកទឹកចិត្ត គាំទ្របរវកញ្ញាគេយ៉ាងសកម្ម។»
ការលើកឡើងខាងលើនេះគឺជាការតបតចំពោះមតិរិះគន់ខ្លាំងៗទៅលើបវរកញ្ញាចក្រវាឡលេខ១ ឆ្នាំ២០២១ ដែលមានកម្ពស់ទាបប៉ុន្តែប្រជាជនប្រទេសនេះមិនត្រឹមតែមិនរិះគន់តែលើកទឹកចិត្តព្រោះកញ្ញាគឺជាមុខមាត់ប្រទេស ជាក្ដីសង្ឃឹមក្នុងការប្រកួតប្រជែងលើឆាកអន្តរជាតិ។
គួរដឹងថាមតិលើកឡើងខាងលើនេះ ទទួលបានការគាំទ្រយ៉ាងច្រើនពីសំណាក់អ្នកគាំទ្រដែលយល់ស្របចំពោះលទ្ធផលប្រកួតប្រជែងសម្រស់ ក៏ដូចជាបេក្ខនារី ងិន ម៉ារ៉ាឌី តំណាងកម្ពុជាទៅប្រកួតប្រជែងនៅប្រទេសអ៊ីស្រាអែលនាខែធ្នូខាងមុខនេះ៕
