ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ឆ្នាំ២០២៦ ចាប់ដំណើរការវគ្គ១៦ក្រុមចុងក្រោយជើងទី១ហើយហើយ កាលពីថ្ងៃទី២១ ខែមករា កន្លងទៅក្នុងនោះឃើញថាមានកីឡាករវ័យចាស់ជាងគេចំនួន១១រូប កំពុងមានឈ្មោះក្នុងបញ្ជីកីឡាករតាមបណ្តាលក្រុមនិងក្លិប នៃពានរង្វាន់ប្រចាំឆ្នាំមួយនេះ។
ថ្ងៃនេះសារព័ត៌មានត្រយង សូមជម្រាបជូនឈ្មោះកីឡាករចាស់ទាំង១១រូបនោះដូចតទៅ៖
- ទី១) កីឡាករ កាំង សេន របស់អាយអេសអាយ ដង្កោសែនជ័យ មានវ័យ៤២ឆ្នាំ
- ទី២) កីឡាករ គង់ សាវង្ស របស់ណាហ្គាវើលដ៍ មានវ័យ៤១ឆ្នាំ
- ទី៣) កីឡាករ គួច សុកុម្ភះ របស់ណាហ្គាវើលដ៍ មានវ័យ ៣៩ឆ្នាំ
- ទី៤) កីឡាករ ជឿន ចក់ របស់បាត់ដំបងយូណៃធីត មានវ័យ៣៨ឆ្នាំ
- ទី៥) កីឡាករ គួច ដានី របស់គិរីវង់សុខសែន មានវ័យ៣៦ឆ្នាំ
- ទី៦) កីឡាករ រ៉េស រ៉ាវី របស់ភ្នំពេញកហ្គាឡាក់ស៊ី មានវ័យ៣៦ឆ្នាំ
- ទី៧) កីឡាករ មីហ្ស៊ូណូ ហ៊ីការ៉ុ របស់កងយោធពលខេមរភូមិន្ទ មានវ័យ៣៥ឆ្នាំ
- ទី៨) កីឡាករ ថោង ដា របស់កងយោធពលខេមរភូមិន្ទ មានវ័យ៣៥ឆ្នាំ
- ទី៩) កីឡាករ សាន ឧសភា របស់ណាហ្គាវើលដ៍ មានវ័យ៣៥ឆ្នាំ
- ទី១០) កីឡាករ Minagawa Yusuke ជនជាតិជប៉ុន របស់ណាហ្គាវើលដ៍ មានវ័យ៣៥ឆ្នាំ
- ទី១១) កីឡាករ ប៊ីន ចន្ថាជារី របស់ឡាយហ្វខេត្តព្រះសីហនុ មានវ័យ៣៥ឆ្នាំ
លទ្ធផលការប្រកួត ថ្ងៃទី២១ ខែមករា ឆ្នាំ២០២៦
លទ្ធផលការប្រកួត ថ្ងៃទី២៨ ខែមករា ឆ្នាំ២០២៦
សូមជម្រាបថា ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ចាប់ផ្តើមពីថ្ងៃទី២១ ខែមករា ដល់ថ្ងៃទី២៤ ខែឧសភា ឆ្នាំ២០២៦ ដោយតម្រូវឱ្យក្រុមទាំង១៦ ប្រកួតប៉ះដៃគូចំនួន២ជើង ក្នុងនិងក្រៅដី។
ក្រុមទាំង១៦ ដែលមានគ្រាប់បាល់ច្រើនជាងគេសរុបទាំងពីរជើង នឹងឡើងទៅវគ្គបន្ត ដោយគិតពីវគ្គ១៦ក្រុម ដល់វគ្គពាក់កណ្តាលផ្តាច់ព្រ័ត្រ ខណៈវគ្គផ្តាច់ព្រ័ត្រ គឺធ្វើតែមួយជើងទេ នៅទឹកដីកណ្តាល។
សូមរំឭកថា ក្រុមមន្ទីរ អយក ខេត្តកំពង់ចាម ម្ចាស់ជើងឯក ពានរង្វាន់សម្តេចតេជោ ហ៊ុន សែន (Hun Sen Cup) ជើងឯកថ្នាក់ខេត្ត លើកទី១៩ ឆ្នាំ២០២៥-២៦ ក្រោយយកឈ្នះក្លិបបាល់ទាត់ឡាយអ៊ិនឃីង ខេត្តសៀមរាប ២-១ នៅវគ្គផ្ដាច់ព្រ័ត្រ ក្នុងពហុកីឡដ្ឋានជាតិ រាជធានីភ្នំពេញ កាលពីថ្ងៃទី២១ ធ្នូ ២០២៥។
សម្រាប់ពានរង្វាន់សម្តេចតេជោ ហ៊ុន សែន (18th Hun Sen Cup) ថ្នាក់ជាតិ ត្រូវរៀបចំឡើងតាំងពីឆ្នាំ២០១៧ ដែលធ្វើឡើងជារៀងរាល់ឆ្នាំ ដោយព្រះខ័នរាជស្វាយរៀង ឈ្នះជើងឯកបានច្រើនជាងគេ ៥លើក ក្រសួងការពារជាតិ វិសាខា បានចំនួន៣លើក ភ្នំពេញក្រោន បាន ២លើក ខណ:ណាហ្គាវើលដ៍ ក្រសួងមហាផ្ទៃ បឹងកេត និងខេមរកីឡា ឈ្នះបាន ១លើកដូចគ្នា៕
