ក្រុមជម្រើសជាតិហ្វូតសាលឥណ្ឌូណេស៊ី បានទម្លាក់ ជប៉ុនក្រុមម្ចាស់ជើងឯក ៤សម័យកាល ឡើងទៅជួបជើងខ្លាំង ដែលជាម្ចាស់ជើងឯក ១៣សម័យកាល អ៊ីរ៉ង់ នៅវគ្គផ្ដាច់ព្រ័ត្រ ក្នុងពានរង្វាន់បាល់ទាត់ហ្វូតសាលជើងឯកអាស៊ី AFC Futsal Asian Cup 2026 នៅទឹកដីរបសខ្លួន។
សម្រាប់ដំណើរមកកាន់វគ្គផ្ដាច់ព្រ័ត្រនេះ គឺជារឿងដ៏គួរឱ្យភ្ញាក់ផ្អើមមួយសម្រាប់អ្នកគាំទ្រ ដែលឥណ្ឌូណេស៊ី បានដើរទៅមុខយ៉ាងលឿន ក្នុងវស័យបាល់ទាត់ហ្វូតសាលនេះ។
និយាយពីការប្រកួតកន្លងមកនៅជុំផ្ដាច់ព្រ័ត្រ ក្នុងពូល ឥណ្ឌូណេស៊ី ឈរលេខ១ក្នុងពូល A ឈ្នះ២ប្រកួត ស្មើ១ ដោយឈ្នះកូរ៉េខាងត្បូង ៥-០ ឈ្នះ កៀហ្ស៊ីស៊ីស្ថាន ៥-៣ នឹងស្មើជាមួយជើងខ្លាំងអ៊ីរ៉ង់។
ឈានដល់វគ្គ៨ក្រុម ឥណ្ឌូណេស៊ី បានយកឈ្នះវៀតណាម ៣-២ បន្តទៅកាន់វគ្គពាក់កណ្ដាលផ្ដាច់ព្រ័ត្រ ជួបជប៉ុន នឹងយកឈ្នះក្នុលទ្ធផល ៥-៣ ឡើងទៅកាន់វគ្គផ្ដាច់ព្រ័ត្រជាលើកដំបូងក្នុងប្រវត្តិសាស្ត្ររបស់ខ្លួន។
ដូចនេះ ឥណ្ឌូណេស៊ី នឹងត្រូវតតាំងជាមួយជើងខ្លាំង ដែលជាម្ចាស់ជើងឯក ១៣សម័យកាល អ៊ីរ៉ង់ នៅវគ្គផ្ដាច់ព្រ័ត្រ នាថ្ងៃទី៧ កុម្ភ: ២០២៦ ក្នុងទីលាន Indonesia Arena ទីក្រុម Jakarta ទឹកដីឥណ្ឌូណេស៊ី វេលាម៉ោង ៧:០០នាទីយប់។
សូមរំលឹកថា ការប្រកួតពានរង្វាន់ AFC Futsal Asian Cup 2026 វគ្គជម្រុះ Qualifiers មាន ៣១ប្រទេសចូលរួម មាន ៨ពូល ខណ:ប្រកួត ត្រូវបានចាប់កាលពីថ្ងៃទី២០ ដល់ថ្ងៃទី២៤ ខែកញ្ញា ឆ្នាំ២០២៥។ ជុំផ្ដាច់ព្រ័ត ដែលធ្វើឡើងចាប់ពីថ្ងៃទី២៧ ខែមករា រហូតដល់ថ្ងៃទី៧ ខែកុម្ភ: ឆ្នាំ២០២៦ នៅទឹកដីប្រទេសឥណ្ឌូណេស៊ី។
គួរបញ្ជាក់ថា ពានរង្វាន់ AFC Futsal Asian Cup បង្កើតឡើងដំបូងនៅឆ្នាំ១៩៩៩ ធ្វើឡើងជារៀងរាល់ឆ្នាំ ខណ:ក្រុមដែលបានឈ្នះជើងឯកច្រើនជាងគេ គឺ អ៊ីរ៉ង់ ចំនួន ១៣លើក (១៩៩៩, ២០០០, ២០០១*, ២០០២, ២០០៣*, ២០០៤, ២០០៥, ២០០៧, ២០០៨, ២០១០, ២០១៦, ២០១៨, ២០២៤) ស្របពេលជប៉ុន ឈ្នះ ៤លើក (២០០៦, ២០១២, ១០១៤, ២០២២)៕
