ពានរង្វាន់បាល់ទះសម្តេចក្រឡាហោម ស ខេង លើកទី៤ ឆ្នាំ២០២៦ បានបញ្ចប់កាលពីថ្ងៃទី១ ខែមីនា នៅក្នុងសាលបាល់ទះ នៃពហុកីឡដ្ឋានជាតិ រាជធានីភ្នំពេញ ដោយក្រុមស្នងការនគរបាលរាជធានីភ្នំពេញ ជាម្ចាស់ជើងឯក វិញ្ញាបុរស ខណៈក្រុមបាល់ទះអកសមុទ្រជាម្ចាស់ជើងឯក វិញ្ញានារី។
ឯកឧត្តម ឧត្តមសេនីយឯក ជួន ណារិន្ទ ប្រធានក្លិប ស្នងការរាជធានីភ្នំពេញ បានមានប្រសាសន៍ថា ការគ្រងជើងឯក ពានសម្តេចក្រឡាហោម បង្ហាញពីការរួមចំណែក អភិវឌ្ឍ កីឡាជាតិ និងថ្នាលយុវជនឆ្ពោះ ទៅជម្រើស ជាតិ៖
ចមណាត់ថ្នាក់ ពានរង្វាន់បាល់ទះសម្តេចក្រឡាហោម ស ខេង លើកទី៤ ឆ្នាំ២០២៦
វិញ្ញាសានារី
- លេខ១៖ ក្លិបកីឡាបាល់ទះអកសមុទ្រ
- លេខ២៖ ក្លិបកីឡាបាល់ទះស្នងការដ្ឋាននគរបាលរាជធានីភ្នំពេញ
- លេខ៣៖ សមាគមកីឡាបាល់ទះក្រសួងមហាផ្ទៃ
- លេខ៤៖ មន្ទីរអប់រំ យុវជន និងកីឡាខេត្តពោធិ៍សាត់
វិញ្ញាសាបុរស
- លេខ១៖ ក្លិបកីឡាបាល់ទះស្នងការដ្ឋាននគរបាលរាជធានីភ្នំពេញ
- លេខ២៖ ក្លិបកីឡាបាល់ទះស្នងការដ្ឋាននគរបាលខេត្តកោះកុង
- លេខ៣៖ សមាគមកីឡាបាល់ទះវិសាខា
- លេខ៤៖ ក្លិបកីឡាបាល់ទះកងពលធំអន្តរាគមន៍លេខ៣
សូមបញ្ជាក់ថា ពានរង្វាន់បាល់ទះសម្តេចក្រឡាហោម ស ខេង លើកទី៤ ឆ្នាំ២០២៦ បានចាប់ផ្តើមប្រកួតកាលពីថ្ងៃទី៧ ខែកុម្ភ: ដោយមាន ៣២សមាគម-ក្លិប មកពី ២៥រាជធានី-ខេត្តទូទាំងប្រទេសកម្ពុជាចូលរួមប្រកួត ចំពោះផ្នែកបុរស និង៨សមាគម-ក្លិប សម្រាប់ផ្នែកនារី បានបញ្ចប់ទៅវិញនៅថ្ងៃទី១ ខែមីនា ឆ្នាំ២០២៦ កន្លងទៅ៕
