ពានរង្វាន់បាល់ទះសម្តេចក្រឡាហោម ស ខេង លើកទី៤ ឆ្នាំ២០២៦ បានបញ្ចប់កាលពីថ្ងៃទី១ ខែមីនា នៅក្នុងសាលបាល់ទះ នៃពហុកីឡដ្ឋានជាតិ រាជធានីភ្នំពេញ ដោយក្រុមស្នងការនគរបាលរាជធានីភ្នំពេញ ជាម្ចាស់ជើងឯក វិញ្ញាបុរស ខណៈក្រុមបាល់ទះអកសមុទ្រជាម្ចាស់ជើងឯក វិញ្ញានារី។
លោក អាំង សិរីពិសិដ្ឋ អនុប្រធានសហព័ន្ធ និងជាអគ្គលេខាធិការ សហព័ន្ធកីឡាបាល់ទះកម្ពុជា បានមានប្រសាសន៍ថា៖ ពានសម្តេចក្រឡាហោម និងតេជោលីគ នឹងផ្ដល់ឱកាសឱ្យសហព័ន្ធ សម្លឹកមើលគុណភាពកីឡាករដើម្បីជ្រើសទៅប្រកួត Sea V.League៖
គួរបញ្ជាក់ផងដែរថា តាមការគ្រោងទុក សម្រាប់ព្រឹត្តិការណ៍ប្រកួតពានរង្វាន់ Sea V។League ឆ្នាំ២០២៦ នឹងមាន ៥ប្រទេសចូលរួមប្រជែង រួមមាន៖ កម្ពុជា ឥណ្ឌូណេស៊ី ហ្វីលីពីន ថៃ និងវៀតណាម ស្របពេលការប្រកួតជើងទី១ នឹងធ្វើឡើងនៅប្រទេសហ្វីលីពីន ខណ:ជើងទី២ នឹងធ្វើឡើងនៅប្រទេសឥណ្ឌូណេស៊ី។
ចំណាត់ថ្នាក់ ពានរង្វាន់បាល់ទះសម្តេចក្រឡាហោម ស ខេង លើកទី៤ ឆ្នាំ២០២៦
វិញ្ញាសានារី
- លេខ១៖ ក្លិបកីឡាបាល់ទះអកសមុទ្រ
- លេខ២៖ ក្លិបកីឡាបាល់ទះស្នងការដ្ឋាននគរបាលរាជធានីភ្នំពេញ
- លេខ៣៖ សមាគមកីឡាបាល់ទះក្រសួងមហាផ្ទៃ
- លេខ៤៖ មន្ទីរអប់រំ យុវជន និងកីឡាខេត្តពោធិ៍សាត់
វិញ្ញាសាបុរស
- លេខ១៖ ក្លិបកីឡាបាល់ទះស្នងការដ្ឋាននគរបាលរាជធានីភ្នំពេញ
- លេខ២៖ ក្លិបកីឡាបាល់ទះស្នងការដ្ឋាននគរបាលខេត្តកោះកុង
- លេខ៣៖ សមាគមកីឡាបាល់ទះវិសាខា
- លេខ៤៖ ក្លិបកីឡាបាល់ទះកងពលធំអន្តរាគមន៍លេខ៣
សូមបញ្ជាក់ថា ពានរង្វាន់បាល់ទះសម្តេចក្រឡាហោម ស ខេង លើកទី៤ ឆ្នាំ២០២៦ បានចាប់ផ្តើមប្រកួតកាលពីថ្ងៃទី៧ ខែកុម្ភ: ដោយមាន ៣២សមាគម-ក្លិប មកពី ២៥រាជធានី-ខេត្តទូទាំងប្រទេសកម្ពុជាចូលរួមប្រកួត ចំពោះផ្នែកបុរស និង៨សមាគម-ក្លិប សម្រាប់ផ្នែកនារី បានបញ្ចប់ទៅវិញនៅថ្ងៃទី១ ខែមីនា ឆ្នាំ២០២៦ កន្លងទៅ៕
