ប្រធានក្លិបអង្គរថាយហ្គឺរ ចេញមុខសុំទោស ក្រោយកូនក្រុមប៉ះទង្គិចជាមួយព្រះខ័នរាជស្វាយរៀង

កាលពីយប់ថ្ងៃទី១៥ ខែមីនា ឆ្នាំ២០២៦ ក្លិបបាល់ទាត់ព្រះខ័នរាជស្វាយរៀង បានយកឈ្នះអង្គរថាយហ្គឺរ ក្នុងលទ្ធផល ២-០ នៅពហុកីឡដ្ឋានជាតិមរតកតេជោ លីគកំពូលកម្ពុជា CPL សប្តាហ៍ទី២៥។

យ៉ាងណាមិញអំឡុងការប្រកួតមានការប៉ះទង្គិចគ្នាធ្ងន់ធ្ងរមួយដោយកីឡាករលេខ២៦ មុត សត្យា របស់អង្គរថាយហ្គឺរ ទទួលបានកាតក្រហមភ្លាមៗ ក្រោយលោតអុកកែងទៅលើកីឡាករ Connor Shields លេខ៩៧ របស់ព្រះខ័នរាជស្វាយរៀង រងរបួសក្បាល។

ក្រោយរងការរិះគន់យ៉ាងខ្លាំងពីអ្នកគាំទ្រលោក Akihito Kato ប្រធានក្លិបអង្គរថាយហ្គឺរ បានបង្ហោះលើគណនី Facebook ថា៖ «ខ្ញុំសូមអភ័យទោសដោយស្មោះចំពោះហេតុការណ៍ដែលបានកើតឡើងក្នុងអំឡុងពេលការប្រកួតថ្ងៃនេះ។ យើងនឹងពិចារណាយ៉ាងហ្មតចត់ និងចាត់វិធានការសមស្របនៅក្នុងក្លិប»៕

តារាងចំណាត់ថ្នាក់ CPL បណ្តោះអាសន្នក្រោយបញ្ចប់សប្តាហ៍ទី២៥៖