កីឡាករ វឿន វាសនា របស់កម្ពុជា ជួយក្រុមបាល់ទះ Win Streak យកឈ្នះក្រុម Taoyuan Leopards
លទ្ធផល ៣- ១ ប្រកួតទី១ ដំណាក់កាលទី២ ពានរង្វាន់លីគបាល់ទះតៃវ៉ាន់ TPVL រដូវកាលឆ្នាំ២០២៥-២៦ កាលពីថ្ងៃទី២១ ខែមីនា ឆ្នាំ២០២៦។
ក្នុងការប្រកួតយកឈ្នះក្រុម Taoyuan Leopards ក្នុងលទ្ធផល ៣- ១ នេះដែរ វឿន វាសនា ក៏ជាប់ឈ្មោះជាកីឡាករដែលវាយយកពិន្ទុបានច្រើនជាងគេ ២៥ពិន្ទុ គិតមកដល់ពេលនេះ វឿន វាសនា ក៏ជាប់ក្នុងបញ្ជីកីឡាករដែលមានពិន្ទុខ្ពស់ជាងគេ ក្នុងលីគបាល់ទះតៃវ៉ាន់ TPVL រដូវកាលឆ្នាំ២០២៥-២៦។
វគ្គសន្សំពិន្ទុដំណាក់កាលទី១ កីឡាករកម្ពុជា វឿន វាសនា បានជួយអោយ Win Streak ក្លាយជាម្ចាស់ជើងឯក លីគបាល់ទះតៃវ៉ាន់ TPVL រដូវកាលឆ្នាំ២០២៥-២៦ កាលពីថ្ងៃទី៨ ខែមីនា ឆ្នាំ២០២៦ បានកក់ជើងឯករួចរាល់ ក្រោយមាន១០០ពិន្ទុក្នុងដៃមុនគេ។
៨ប្រកួតនៅសល់ វឿន វាសនា ត្រូវបន្តនៅជួយក្រុមបាល់ទះ Win Streak ដំណាក់កាលទី២ រួមមាន៖
- ទី១ ថ្ងៃទី២១ មីនា៖ Win Streak ៣-១ Taoyuan Leopards
- ទី២ ថ្ងៃទី២៩ មីនា៖ Win Streak ប្រកួតជាមួយ TSG SkyHawks
- ទី៣ ថ្ងៃទី១១ មេសា៖ Win Streak ប្រកួតជាមួយ Taoyuan Leopards
- ទី៤ ថ្ងៃទី១២ មេសា៖ Win Streak ប្រកួតជាមួយ TSG SkyHawks
- ទី៥ ថ្ងៃទី៩ ឧសភា៖ Win Streak ប្រកួតជាមួយ Taoyuan Leopards
- ទី៦ ថ្ងៃទី១០ ឧសភា៖ Win Streak ប្រកួតជាមួយ Taipei East Power
- ទី៧ ថ្ងៃទី១៦ ឧសភា៖ TSG SkyHawks ប្រកួតជាមួយ Win Streak
- ទី៨ ថ្ងៃទី១៧ ឧសភា៖ Taoyuan Leopards ប្រកួតជាមួយ Win Streak៕
