កាលពីថ្ងៃទី១២ ខែកក្កដា កន្លងទៅថ្មីៗនេះ លោក Pape Thiaw ត្រូវបានបណ្តេញចេញពីតំណាងជាគ្រូបង្វឹកក្រុមជម្រើសជាតិសេណេហ្គាល់ ក្រោយធ្លាក់ត្រឹមវគ្គ៣២ក្រុមចុងក្រោយ នៃពានរង្វាន់ FIFA World Cup 2026 ត្រូវបានបណ្តេញចេញពីតំណាងជាគ្រូបង្វឹកក្រុមជម្រើសជាតិសេណេហ្គាល់ ក្រោយធ្លាក់ត្រឹមវគ្គ៣២ក្រុមចុងក្រោយ នៃពានរង្វាន់ FIFA World Cup 2026 ។
គិតត្រឹមថ្ងៃទី១៣ ខែកក្កដា នេះ ក្រុមជម្រើសជាតិសេណេហ្គាល់ បានធ្លាក់ចេញពីព្រឹត្តិការណ៍បាល់ទាត់ពិភពលោក FIFA World Cup ឆ្នាំ២០២៦ ត្រឹមវគ្គ៣២ក្រុមចុងក្រោយ ក្រោមថ្វីដៃប៊ែលហ្សុិក បានយកឈ្នះដោយលទ្ធផល ៣-២ បានរយះពេលជាង១២ថ្ងៃទើបសហព័ន្ធបាល់ទាត់សេណេហ្គាល់ សម្រេចបណ្តេញរូបលោកចេញពីកៅអី ។
អត្ថបទពាក់ព័ន្ធ៖ លោក Roberto Martínez ជាគ្រូបង្វឹកទី៩ លាលែងពីតំណែងក្រោយ ដឹកនាំព័រទុយហ្គាល់ ធ្លាក់ World Cup
នេះជាគ្រូបង្វឹកចំនួន១៤រូបដែលបានដើរចេញពីតំណែង ក្រោយដឹកនាំក្រុមធ្លាក់ World Cup ឆ្នាំ២០២៦ ៖
- ទី១) លោក Sabri Lamouchi គ្រូបង្វឹករបស់ក្រុមជម្រើសជាតិទុយនីស៊ី
- ទី២) លោក Ronald Koeman គ្រូបង្វឹករបស់ក្រុមជម្រើសជាតិហូឡង់
- ទី៣) លោក Miroslav Koubek គ្រូបង្វឹករបស់ក្រុមជម្រើសជាតិសាធារណរដ្ឋឆែក
- ទី៤) លោក Sebastián Beccacece គ្រូបង្វឹករបស់ក្រុមជម្រើសជាតិអេក្វាឌ័រ
- ទី៥) លោក Steve Clarke គ្រូបង្វឹករបស់ក្រុមជម្រើសជាតិស្កុតឡែន
- ទី៦) លោក Hong Myung-bo គ្រូបង្វឹករបស់ក្រុមជម្រើសជាតិកូរ៉េខាងត្បូង
- ទី៧) លោក Zlatko Dalić គ្រូបង្វឹកក្រុមជម្រើសជាតិក្រូអាស៊ី
- ទី៨) លោក Julian Nagelsmann គ្រូបង្វឹករបស់ក្រុមជម្រើសជាតិអាល្លឺម៉ង់
- ទី៩) លោក Hervé Renard គ្រូបង្វឹករបស់ក្រុមជម្រើសជាតិទុយនីស៊ី
- ទី១០) លោក Carlos Queiroz គ្រូបង្វឹករបស់ក្រុមជម្រើសជាតិហ្គាណា
- ទី១១) លោក Marcelo Bielsa គ្រូបង្វឹករបស់ក្រុមជម្រើសជាតិអ៊ុយរូហ្គាយ
- ទី១២) លោក Javier Aguirre គ្រូបង្វឹករបស់ក្រុមជម្រើសជាតិម៉ិកស៊ិក
- ទី១៣) លោក Roberto Martínez គ្រូបង្វឹករបស់ក្រុមជម្រើសជាតិព័រទុយហ្គាល់
- ទី១៤) លោក Pape Thiaw គ្រូបង្វឹករបស់ក្រុមជម្រើសជាតិសេណេហ្គាល់
សូមជម្រាបថា ពានរង្វាន់បាល់ទាត់ពិភពលោក FIFA World Cup 2026 បានធ្វើដំណើរដល់វគ្គ៤ក្រុមចុងក្រោយហើយ ក្នុងនោះក្រុមខ្លាំងទាំង៤ នឹងគ្នានៅថ្ងៃទី១៤ និង១៥ ខែកក្កដា ខាងមុខ ដណ្តើមយកកៅអីវគ្គផ្តាច់ព្រ័ត្រ ៕
