ក្រុមជម្រើសជាតិនារីកម្ពុជា នឹងត្រៀមប៉ះក្រុមជម្រើសជាតិនារីឥណ្ឌូណេស៊ី សម្រាប់ប្រកួតទី២ នៃពានរង្វាន់ AFF Women’s Cup ២០២៦ ដោយក្រុមទាំងពីរនឹងជួបគ្នានៅម៉ោង ៣:៤៥នាទីរសៀល ក្នុងកីឡដ្ឋាន Kuala Lampur Football នៅទីក្រុងគូឡាឡាំពួ ប្រទេសម៉ាឡេស៊ី។
អត្ថបទពាក់ព័ន្ធ៖ ក្រុមជម្រើសជាតិនារីកម្ពុជា ឈរកំពូលតារាងពូល B បណ្តោះអាសន្ន ពានរង្វាន់ AFF Women’s Cup 2026
ចំពោះរូបមន្តប្រកួតគឺ ក្រុមចំនួន៦ ដែលស្ថិតនៅ២ពូលផ្សេងគ្នា ត្រូវប្រកួតចំនួន២ប្រកួតក្នុងពូលរៀងខ្លួន។ ក្រុមដែលមានចំណាត់ថ្នាក់លេខ១ និងលេខ២ ទាំង២ពូល នឹងបន្តប្រកួតគ្នានៅវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ។
ចំពោះក្រុមដែលកំពុងរងចាំវគ្គចែកពូលជុំផ្តាច់ព្រ័ត្រ ពានរង្វាន់ ASEAN Women’s Championship 2027 រួមមាន៖ ក្រុមនារី ថៃ, វៀតណាម, ហ្វីលីពីន, មីយ៉ាន់ម៉ា និងអូស្ត្រាលី។
សូមជម្រាបថាការប្រកួតពានរង្វាន់បាល់ទាត់នារី AFF Women’s Cup ឆ្នាំ២០២៦ នឹងចាប់ផ្តើមចាប់ពីថ្ងៃទី១០ ដល់ថ្ងៃទី២២ ខែកក្កដា ឆ្នាំ២០២៦ នៅប្រទេសម៉ាឡេសុី៕
