ក្រុមបាល់ទាត់ជម្រើសជាតិគោជល់ អេស្ប៉ាញ បានក្លាយជាម្ចាស់ជើងឯក ព្រឹត្តិការណ៍បាល់ទាត់ពិភពលោក FIFA World Cup ឆ្នាំ២០២៦ បន្ទាប់ពីយកឈ្នះក្រុមជម្រើសជាតិ ពពកស អាហ្សង់ទីន ក្នុងលទ្ធផល ១ទល់និង០ ក្រោយ ចំណាយពេលពេញ ១២០នាទី កាលពីរាត្រី ម៉ោង ២:០០រំលងអាធ្រាត្រ ថ្ងៃទី១៩ កក្កដា ២០២៦ ក្នុងកីឡដ្ឋាន MetLife ទឹកដីសហរដ្ឋអាមេរិក។
ក្រុមបាល់ទាត់ជម្រើសជាតិគោជល់ អេស្ប៉ាញ ក្រោមការដោយលោក Luis de la Fuente ទម្រង់លេងបែបទំនើប និងប្រសិទ្ធភាព ដោយបានផ្លាសប្ដូរការលេងទម្រង់ Tiki-Taka បែបចាស់ មកជាការលេងវាយសម្រុកលឿន មានប្រសិទ្ធភាព និងច្បាស់ការណ៍នៅតំបន់គ្រោះថ្នាក់។
ការជឿជាក់លើកីឡាករវ័យក្មេង ដូចជា Lamine Yamal Pau Cubarsi និង Nico Williams គាត់លេចធ្លោខ្លាំងក្នុងការផ្តល់ឱកាស និងកសាងទំនុកចិត្តដល់យុវជនឆ្នើមៗ រួមផ្សំជាមួយកីឡាករដែលមានបទពិសោធន៍ ធ្វើឱ្យក្រុមមានតុល្យភាពទាំងកម្លាំង និងស្មារតី។
ការប្រកួតវគ្គផ្តាច់ព្រ័ត្រដ៏តានតឹងជាមួយអាហ្សង់ទីន រហូតឈានដល់ថែមម៉ោង ១២០ នាទី បង្ហាញឱ្យឃើញថា សមាជិកទាំងមូលរបស់ក្រុមអេស្ប៉ាញ អាចរក្សាល្បឿន និងសម្ពាធរហូតដល់នាទីចុងក្រោយ។ វិន័យការពារ និងភាពអត់ធ្មត់ ការរក្សាសំណាញ់ទីមិនឱ្យធ្លាយ ក្រោមសម្ពាធពីតំបន់ប្រយុទ្ធរបស់អាហ្សង់ទីន គឺជាគន្លឹះចម្បងក្នុងការឈ្នះពាន។
សូមរំលឹកថា សម្រាប់ជ័យជម្នះជាម្ចាស់ពានរបស់អេស្ប៉ាញនេះដែល គឺជាការចារឈ្មោះ ជាលើកទី២ របស់ខ្លួន ក្នុងព្រឹត្តិការណ៍បាល់ទាត់ពិភពលោក FIFA World Cup ដោយលើកទី១ ធ្លាប់ឈ្នះកាលពីឆ្នាំ២០១០ រំលង់បាន១៦ អេស្ប៉ាញ់ បានស្គាល់រស់ជាងជាម្ចាស់ជើងឯកជាថ្មីម្ដងទៀត៕
