ក្នុងដំណើរទៅចូលរួមប្រកួតតំណាងកម្ពុជា លើឆាកអន្តរជាតិលើកដំបូងរបស់ក្រុមជើងឯក MPLKH ក្រុម Pro Esports បានបញ្ចប់ភារកិច្ចត្រឹមចំណាត់ថ្នាក់លេខ ៥-៨ ជាមួយប្រាក់រង្វាន់ ១០ម៉ឺនដុល្លារ ក្រោយបរាជ័យក្រោយថ្វីដៃរបស់ក្រុម Yangon Galacticos មីយ៉ាន់ម៉ា នៅវគ្គ ៨ក្រុម Knockout Stage កាលពីថ្ងៃទី២៩ កក្កដា ២០២៦។
យ៉ាងណាវិញសម្រាប់វត្តមានរបស់ក្រុម Pro Esports ទៅប្រកួតនៅក្នុងព្រឹត្តិការណ៍ MLBB Southeast Asia Cup 2026 ឬ MSC 2026 ក៏ធ្វើបានយ៉ាងល្អយកឈ្នះក្រុមខ្លាំងៗមកពីម៉ាឡេស៊ី Selangor Red Giants ២១ ចាញ់ក្រុម Yangon Galacticos មីយ៉ាន់ម៉ា ២-០ និងក្រុម Entity7 មកពីប្រទេសប៉េរូ ២-០ និងចាញ់ក្រុម Yangon Galacticos មីយ៉ាន់ម៉ា ៣-០។
សម្រាប់ព្រឹត្តិការណ៍ MLBB Southeast Asia Cup 202៦ ដែលបារាំង ធ្វើជាម្ចាស់ផ្ទះ ចាប់ពីថ្ងៃទី១ ខែកក្កដា ដល់ថ្ងៃទី១ ខែសីហា ឆ្នាំ២០២៦ គឺជាលើកទី៩ ជាការប្រកួតប្រភេទកីឡាអេឡិចត្រូនិកលក្ខណៈអាជីព (Pro Team) មានចំនួន ២៥ក្រុមចូលរួម ដែលមកពីជុំវិញពិភពលោក ជាមួយប្រាក់រង្វាន់សរុបជាង ៣លានដុល្លារ។
គួរបញ្ជាក់ថា ព្រឹត្តិការណ៍ MLBB Southeast Asia Cup ឬ MSC ក្រុមដែលតំណាងកម្ពុជា ធ្លាប់បានចូលរួមចំនួន ៦លើក លើកទី១ ២០១៩ ក្រុម Diversity Helheim ចំណាត់ថ្នាក់ ១១-១២ លើកទី២ ២០២១ ក្រុម Impunity KH ចំណាត់ថ្នាក់ ៥-៦ លើកទី៣ ២០២២ ក្រុម Impunity និង See You Soon ចំណាត់ថ្នាក់ ៩-១២ លើទី៤ ២០២៣ ក្រុម BURN x FLASH ចំណាត់ថ្នាក់ ៤ លើកទី៥ ក្រុម See You Soon ចំណាត់ថ្នាក់ ៥-៨ លើកទី៦ ក្រុម CFU Gaming ចំណាត់ថ្នាក់ ៩ លើកទី៧ ក្រុម PRO Esports ចំណាត់ថ្នាក់លេខ៨៕
