ក្រុមការពារតំណែងជើងឯកឆ្នាំចាស់ គឺក្រុមជម្រើសជាតិវៀតណាម បានកក់កៅអីវគ្គផ្តាច់ព្រ័ត្រម្តងទៀត ក្រោយទម្លាក់ក្រុមជម្រើសជាតិម៉ាឡេស៊ី ដោយលទ្ធផលសរុបទាំងពីជើង ៤-០ ។
កាលពីជើងទី១ ក្រុមជម្រើសជាតិវៀតណាម បានយកឈ្នះ ២-០ ក្រុមជម្រើសជាតិម៉ាឡេស៊ី កាលពីថ្ងៃទី១៦ ខែសីហា នៅក្នុងកីឡដ្ឋាន Kuala Lumpur Stadium និងជើងទី២ ដោយលទ្ធផល ២-០ កាលពីថ្ងៃទី១៩ ខែសីហា នៅក្នុងកីឡដ្ឋាន Mỹ Đình National Stadium ប្រទេសវៀតណាម ។
គិតត្រឹមវគ្គ៤ក្រុមចុងក្រោយ កីឡាករ ជាប់ឈ្មោះជាកីឡាកររកគ្រាប់បាល់ច្រើនជាងគេ សរុបចំនួន៥គ្រាប់។
ដូចនេះក្រុមខ្លាំងវៀតណាម នឹងត្រៀមប្រកួតការពារតំណែងជើងឯកឆ្នាំចាស់របស់ខ្លួន ទល់នឹងក្រុមជម្រើសជាតិថៃ នៅវគ្គផ្តាច់ព្រ័ត្រ ខណៈប្រកួតសំខាន់នោះគឺធ្វើឡើងចំនួន២ជើង ក្នុងនិងក្រៅដី។
ព្រឹត្តិកាណ៍ប្រកួតបាល់ទាត់បុរសជើងឯកអាស៊ាន ដែលប្ដូរឈ្មោះថ្មីតាមម្ចាស់ឧបត្ថម្ភ ASEAN Hyundai Cup ឆ្នាំ២០២៦ ចាប់ផ្ដើមពីថ្ងៃទី២៤ ខែកក្កដា រហូតដល់ថ្ងៃទី២៦ ខែសីហា ឆ្នាំ២០២៦ ពោលគឺចំពេលដែលលីគនៃប្រទេសក្នុងតំបន់អាស៊ានទាំង១១ សម្រាក។
គួររំលឹកថា ពាននេះជាទូទៅច្រើនធ្វើឡើងនៅចុងឆ្នាំ អំឡុងខែវិច្ឆិកា ដល់ខែធ្នូ ខណៈពីពេលនេះទៅ លេងពាក់កណ្ដាលឆ្នាំដ់ម្បីឱ្យស្របទៅនឹងប្រតិទិន FIFA Day ផងដែរ។
- វគ្គជម្រុះ៖ ថ្ងៃទី២៤ ខែកក្កដា ដល់ថ្ងៃទី៨ ខែសីហា ឆ្នាំ២០២៦
- Knockout Stage (វគ្គពាក់កណ្តាលផ្តាច់ព្រ័ត្រ និងក្រៅដី និងផ្តាច់ព្រ័ត្រ)៖ ថ្ងៃទី១៥ ដល់ ២៦ ខែសីហា ឆ្នាំ២០២៦
គួរបញ្ជាក់ថា ការប្រកួតកីឡាបាល់ទាត់ពានរង្វាន់ជើងឯកប្រចាំតំបន់ ASEAN Championship បង្កើតឡើងដំបូងនៅឆ្នាំ១៩៩៦ ធ្វើឡើងរៀងរាល់២ឆ្នាំម្ដង ថៃ គ្រងជើងឯកបានច្រើនជាងគេ ចំនួន ៧លើក (១៩៩៦, ២០០០, ២០០២, ២០១៤, ២០១៦, ២០២០, ២០២២) សិង្ហបុរី ចំនួន ៤លើក (១៩៩៨, ២០០៤, ២០០៧, ២០១២) និងវៀតណាម ចំនួន ៣លើក ២០០៨, ២០១៨, ២០២៤៕
