ការប្រកួតកីឡាបាល់ទះអន្តរជាតិ ដណ្ដើមពានរង្វាន់ សម្ដេចធិបតី (SAMDECH THIPADEI CUP) រដូវកាលទី២ បានបញ្ចប់ដោយជោគជ័យ បន្ទាប់ពីការប្រកួតយ៉ាងស្វិតស្វាញ និងពោរពេញដោយភាពសប្បាយរីករាយ អស់រយៈពេល ៦ថ្ងៃ។
ជាលទ្ធផលក្រុមបាល់ទះកម្ពុជា B បានក្លាយជាម្ចាស់ជើងឯក ក្រោយយកឈ្នះលើកក្រុមបាល់ទះ MBSA របស់ម៉ាឡេស៊ី ក្នុងលទ្ធផល ៣សិតទល់និង០ ដែលជាកាគ្រងជើងឯកជាលើកទី២ ផងដែរ។
ការប្រកួតកីឡាបាល់ទះអន្តរជាតិ ដណ្ដើមពានរង្វាន់ សម្ដេចធិបតី រដូវកាលទី២ នេះ មានក្រុមចូលរួមចំនួន ៤ក្រុម ដែលបានប្រកួតប្រជែងគ្នា មានកម្ពុជា A កម្ពុជា B ម៉ាឡេស៊ី វៀតណាម។ ដែលការប្រកួតចាប់ពីថ្ងៃទី១៨ ដល់ថ្ងៃទី២៣ ខែសីហា ឆ្នាំ២០២៦ នៅវិមាននៃពហុកីឡដ្ឋានជាតិអូឡាំពិក រាជធានីភ្នំពេញ។
ជាលទ្ធផលជ័យលាភី រួមមានដូចខាងក្រោម៖
- ចំណាត់ថ្នាក់លេខ១៖ ក្រុមកម្ពុជា A ទទួលបាន ថវិកា ១០០លានរៀល
- ចំណាត់ថ្នាក់លេខ២៖ ក្រុម Majlis Bandaraya Shah Alam (MBSA) ទទួលបាន ថវិកា ២០លានរៀល
- ចំណាត់ថ្នាក់លេខ៣ ក្រុមកម្ពុជា B ទទួលបាន ថវិកា ១២លានរៀល
- ចំណាត់ថ្នាក់លេខ៤ DONG NAI CITY VOLLEYBALL
ការប្រកួត SAMDECH THIPADEI CUP រដូវកាលទី២ មិនត្រឹមតែជាវេទិកាសម្រាប់បង្ហាញសមត្ថភាពកីឡាបាល់ទះប៉ុណ្ណោះទេ ប៉ុន្តែថែមទាំងជាចំណែកដ៏សំខាន់ក្នុងការពង្រឹង មិត្តភាព កិច្ចសហប្រតិបត្តិការ និងទំនាក់ទំនងកីឡារវាងកម្ពុជា និងបណ្ដាប្រទេសក្នុងតំបន់ ព្រមទាំងរួមចំណែកលើកកម្ពស់វិស័យកីឡាបាល់ទះកម្ពុជាឱ្យកាន់តែរីកចម្រើន៕
