ម្ចាស់ផ្ទះកម្ពុជា គឺក្រុមជម្រើសជាតិយុវជនអាយុក្រោម២០ឆ្នាំនឹង ត្រៀមទទួលក្រុមចំនួន៣ រួមមាន ក្រុមយុវជន ជប៉ុន, យេម៉ែន និងគុយវ៉ែត ដោយប្រើប្រាស់ពហុកីឡដ្ឋានជាតិ រាជធានីភ្នំពេញ ជាទឹកដីសម្រាប់ពានរង្វាន់យុវជនប្រចាំទ្វីបអាស៊ី 2027 AFC U-20 Asian Cup qualification នៃវគ្គជម្រុះក្នុងពូល G នៅចុងខែសីហា ខាងមុខនេះ។
កម្មវិធីប្រកួតវគ្គជម្រុះក្នុងពូល G
- ថ្ងៃទី៣១ ខែសីហា ឆ្នាំ២០២៦ ជប៉ុន ប៉ះ គុយវ៉ែត
- ថ្ងៃទី៣១ ខែសីហា ឆ្នាំ២០២៦ យេម៉ែន ប៉ះ កម្ពុជា
- ថ្ងៃទី៣ ខែកញ្ញា ឆ្នាំ២០២៦ គុយវ៉ែត ប៉ះ យេម៉ែន
- ថ្ងៃទី៣ ខែកញ្ញា ឆ្នាំ២០២៦ កម្ពុជា ប៉ះ ជប៉ុន
- ថ្ងៃទី៦ ខែកញ្ញា ឆ្នាំ២០២៦ ជប៉ុន ប៉ះ យេម៉ែន
- ថ្ងៃទី៦ ខែកញ្ញា ឆ្នាំ២០២៦ កម្ពុជា ប៉ះ គុយវ៉ែត
សម្រាប់រដូវកាលឆ្នាំ២០២៤ កន្លងទៅគឺក្រុមជម្រើសជាតិអូស្ត្រាលី ជាម្ចាស់ជើងឯក ក្រោយឈ្នះលើក្រុមជម្រើសជាតិអារ៉ាប់ប៊ីសាអ៊ូឌីត ដោយបាល់កាត់ក្តី១១ម៉ែត្រ ៥ទល់នឹង៤ ក្រោយឈ្នះគ្នា១-១ នៅវគ្គផ្តាច់ព្រ័ត្រ កាលពីថ្ងៃទី១ ខែមីនា ២០២៥ ដែលចិនជាម្ចាស់ផ្ទះ។
ក្រុមកូរ៉េខាងត្បូង ជាអ្នកឈ្នះជើងឯកច្រើនជាងគេរហូតដល់១២លើក គិតចាប់តាំងពីពានរង្វាន់នេះបង្កើតឡើងដំបូងពីឆ្នាំ១៩៥៩មក។ ដំបូងឡើយពានរង្វាន់នេះរៀបចំឡើងរាល់១ឆ្នាំម្តង តែចាប់ពីឆ្នាំ១៩៧៨ មកពានរង្វាន់នេះប្តូរមករៀបចំរាល់២ឆ្នាំម្តងវិញ៕