ក្លិបបាល់ទាត់វិសាខា ក្រោមការដឹកនាំរបស់លោក Scott Cooper គ្រូបង្វឹកជនជាតិអង់គ្លេស បាននាំចូលកីឡាករបរទេស៧នាក់ និងកីឡាករចូលសញ្ជាតិខ្មែរ១នាក់ ត្រៀមសម្រាប់ពានរង្វាន់លីគកំពូលកម្ពុជា Cambodian Premier League រដូវកាល ២០២៦-២៧។
- Lucas Ambiel ខ្សែការពារ ជនជាតិប្រេស៊ីល
- Donovan Ewolo ខ្សែប្រយុទ្ធ ជនជាតិកាមេរូន
- Sherwin Seedorf ខ្សែប្រយុទ្ធ ជនជាតិហូឡង់
- Ousman Gai ខ្សែប្រយុទ្ធ ជនជាតិហ្គំប៊ី
- Cristian Roque ខ្សែប្រយុទ្ធ ជនជាតិប្រេស៊ីល
- Jaume Cuéllar ខ្សែប្រយុទ្ធ ជនជាតិបូលីវី
- Aly Ndom ខ្សែបម្រើ ជនជាតិបារាំង
- Andrés Nieto ខ្សែបម្រើ កីឡាករចូលសញ្ជាតិខ្មែរ
ដោយឡែកក្លិបបាល់ទាត់ព្រះខ័នរាជស្វាយរៀង ក្រោមការដឹកនាំរបស់លោក Mattew McConkey គ្រូបង្វឹកជនជាតិសាធារណរដ្ឋអៀរឡង់ មានកីឡាករបរទេសរហូតដល់១១នាក់ និងកីឡាករចូលសញ្ជាតិខ្មែរ១នាក់ ត្រៀមការពារតំណែងលីគកំពូលកម្ពុជា និងពាន Hun Sen Cup ជាពិសេសពានអន្តរជាតិចំនួន២ធំៗគឺ 2026–27 AFC Champions League Two និង ASEAN Club Championship (Shopee Cup)។
- Faris Hammouti ខ្សែការពារ ជនជាតិហូឡង់
- Rui Pires ខ្សែបម្រើ ជនជាតិព័រទុយហ្គាល់
- Tiago Alves ខ្សែប្រយុទ្ធ ជនជាតិព័រទុយហ្គាល់
- Breno Caetano ខ្សែការពារ ជនជាតិប្រេស៊ីល
- Martins Junior ខ្សែប្រយុទ្ធ ជនជាតិប្រេស៊ីល
- Ryo Fujii ខ្សែបម្រើ ជនជាតិជប៉ុន
- Johannes Tartarotti ខ្សែប្រយុទ្ធ ជនជាតិអូទ្រីស
- Kwame Peprah ខ្សែប្រយុទ្ធ ជនជាតិហ្គាណា
- Takashi Odawara ខ្សែការពារ ជនជាតិជប៉ុន
- Silvester van der Water ខ្សែបម្រើ ជនជាតិហូឡង់
- Connor Shields ខ្សែប្រយុទ្ធ ជនជាតិស្កុតឡែន
- Takaki Ose ខ្សែការពារ កីឡាករចូលសញ្ជាតិខ្មែរ
ពានរង្វាន់ Cambodian Super Cup ឆ្នាំ២០២៦ រវាងក្រុមព្រះខ័នរាជស្វាយរៀង ទល់នឹងវិសាខា នឹងធ្វើឡើងនៅថ្ងៃទី៣០ ខែសីហា ឆ្នាំ២០២៦ នាពហុកីឡដ្ឋានជាតិមរតកតេជោ ម៉ោង៧:០០យប់។
តម្លៃសំបុត្របែងចែកជា២ប្រភេទ គឺប្រភេទទី១ មានតម្លៃ ១០,០០០ រៀល និងប្រភេទទី២ មានតម្លៃត្រឹមតែ ៨,០០០ រៀលប៉ុណ្ណោះ។ ជាពិសេសអ្នកគាំទ្រនឹងទទួលបាន ការបញ្ចុះតម្លៃ ២,០០០ រៀលបន្ថែម លើសំបុត្រសន្លឹកទី១ ដោយស្វ័យប្រវត្តិ តាមរយៈគណនី CPL Plus (CPL+) ។
ប្រវត្តិពានរង្វាន់មុនបើករដូវកាលនេះ រៀបចំចំនួន៥លើករួចមកហើយ ដោយលើកដំបូងបំផុតគឺនៅឆ្នាំ២០១៧ ប្រើឈ្មោះថា CNCC Charity Cup 2017 ហើយ រហូតដល់ឆ្នាំ២០២៣ ទើបរៀបចំឡើងវិញ ដោយប្រើឈ្មោះថា Cambodian Super Cup រហូតដល់បច្ចុប្បន្ន។
សម្រាប់លទ្ធផល៥លើកមកនេះឃើញថា៖
- ឆ្នាំ២០១៧៖ បឹងកេត ៣-០ ក្រសួងការពារជាតិ (សមាគមក្លិបបាល់ទាត់កងយោធពលខេមរភូមិន្ទ)
- ឆ្នាំ២០២២៖ ភ្នំពេញក្រោន ២-១ វិសាខា
- ឆ្នាំ២០២៣៖ ភ្នំពេញក្រោន ២-១ វិសាខា
- ឆ្នាំ២០២៤៖ ព្រះខ័នរាជស្វាយរៀង ២-១ ភ្នំពេញក្រោន
- ឆ្នាំ២០២៥៖ ព្រះខ័នរាជស្វាយរៀង ២-២ ភ្នំពេញក្រោន (ព្រះខ័នរាជស្វាយរៀង ឈ្នះបាល់កាត់សេចក្តី១១ម៉ែត្រ ៥-៣)។
ក្រោយចប់ពានរង្វាន់បើករដូវកាលមួយនេះ ការប្រកួតលីគកំពូលកម្ពុជា Cambodian Premier League រដូវកាលឆ្នាំ ២០២៦-២៧ នឹងចាប់ផ្តើមជាផ្លូវការនៅថ្ងៃទី៥ ខែកញ្ញា ខាងមុខ ខណៈសមាជិកចូលរួមគឺមានចំនួន១១ក្រុម៕
