ក្រុមជម្រើសជាតិវៀតណាម គ្រងជើងឯកលើកទី៤ ពានរង្វាន់ប្រចាំតំបន់អាស៊ាន ASEAN Championship 2026 ក្រោយឈ្នះក្រុមជម្រើសជាតិថៃនៅវគ្គផ្តាច់ព្រ័ត្រដោយលទ្ធផលសរុបពីរជើង ៤-២ កាលពីរាត្រីថ្ងៃទី២៦ ខែសីហា កន្លងទៅ នៅកីឡដ្ឋាន Mỹ Đình National ប្រទេសវៀតណាម។
លទ្ធផលទាំងពីរជើងវគ្គផ្តាច់ព្រ័ត្រ៖
- ជើងទី១ ថៃ ០-២ វៀតណាម ថ្ងៃទី២២ ខែសីហា ឆ្នាំ២០២៦
- ជើងទី២ វៀតណាម ២-២ ថ្ងៃទី២៦ ខែសីហា ឆ្នាំ២០២៦
អត្ថបទពាក់ព័ន្ធ៖ វៀតណាម ជួបថៃ ល្ងាចនេះ ត្រៀមការពារតំណែងជើងឯក នៃពានរង្វាន់ជើងឯកអាស៊ាន ឆ្នាំ២០២៦
ព្រឹត្តិកាណ៍ប្រកួតបាល់ទាត់បុរសជើងឯកអាស៊ាន ដែលប្ដូរឈ្មោះថ្មីតាមម្ចាស់ឧបត្ថម្ភ ASEAN Hyundai Cup ឆ្នាំ២០២៦ ចាប់ផ្ដើមពីថ្ងៃទី២៤ ខែកក្កដា រហូតដល់ថ្ងៃទី២៦ ខែសីហា ឆ្នាំ២០២៦ ពោលគឺចំពេលដែលលីគនៃប្រទេសក្នុងតំបន់អាស៊ានទាំង១១ សម្រាក។
គួររំលឹកថា ពាននេះជាទូទៅច្រើនធ្វើឡើងនៅចុងឆ្នាំ អំឡុងខែវិច្ឆិកា ដល់ខែធ្នូ ខណៈពីពេលនេះទៅ លេងពាក់កណ្ដាលឆ្នាំដ់ម្បីឱ្យស្របទៅនឹងប្រតិទិន FIFA Day ផងដែរ។
- វគ្គជម្រុះ៖ ថ្ងៃទី២៤ ខែកក្កដា ដល់ថ្ងៃទី៨ ខែសីហា ឆ្នាំ២០២៦
- Knockout Stage (វគ្គពាក់កណ្តាលផ្តាច់ព្រ័ត្រ និងក្រៅដី និងផ្តាច់ព្រ័ត្រ)៖ ថ្ងៃទី១៥ ដល់ ២៦ ខែសីហា ឆ្នាំ២០២៦
គួរបញ្ជាក់ថា ការប្រកួតកីឡាបាល់ទាត់ពានរង្វាន់ជើងឯកប្រចាំតំបន់ ASEAN Championship បង្កើតឡើងដំបូងនៅឆ្នាំ១៩៩៦ ធ្វើឡើងរៀងរាល់២ឆ្នាំម្ដង ថៃ គ្រងជើងឯកបានច្រើនជាងគេ ចំនួន ៧លើក (១៩៩៦, ២០០០, ២០០២, ២០១៤, ២០១៦, ២០២០, ២០២២) សិង្ហបុរី ចំនួន ៤លើក (១៩៩៨, ២០០៤, ២០០៧, ២០១២) និងវៀតណាម ចំនួន ៤លើក ២០០៨, ២០១៨, ២០២៤ និងឆ្នាំ២០២៦៕
