ពានរង្វាន់ជើងឯកអាស៊ាន ASEAN Championship ឆ្នាំ២០២៦ រកឃើញម្ចាស់ជើងឯកហើយ គឺបានទៅក្រុមជម្រសើជាតិវៀតណាម ក្រោយឈ្នះលើក្រុមជម្រើសជាតិថៃ នៅវគ្គផ្តាច់ព្រ័ត្រ ដោយលទ្ធផលសរុបទាំងពីរជើង ៤-២ កាលពីរាត្រីថ្ងៃទី២៦ ខែសីហា ឆ្នាំ២០២៦ នៅក្នុងកីឡដ្ឋាន Mỹ Đình National ប្រទេសវៀតណាម ។
អត្ថបទពាក់ព័ន្ធ៖ ASEAN Championship៖ វៀតណាម លើកពានលើកទី៤ លើដីខ្លួនឯង ក្រោយឈ្នះថៃ វគ្គផ្តាច់ព្រ័ត្រ – សារព័ត៌មានត្រយង – Troryorng Media
នេះជាក្រុមជ័យលាភី និងម្ចាស់ពានរង្វាន់ឯកត្តជនចំនួន៖
- ជើងឯក ក្រុមជម្រើសជាតិវៀតណាម
- ជើងឯករង ក្រុមជម្រើសជាតិថៃ
- កីឡាករ Nguyen Dinh Bac របស់វៀតណាម ឈ្នះងាជាកីឡាករល្អប្រាចាំព្រឹត្តិការណ៍
- កីឡាករ Nguyen Dinh Bac និង Nguyen Xuan Son របស់វៀតណាម ជាកីឡាកររកគ្រាប់បាល់ច្រើនជាងគេ
- កីឡាករ Patrik Le Giang របស់វៀតណាម ឈ្នះងាជាកីឡាកររក្សាសំណាញ់បានល្អជាងគេប្រចាំព្រឹត្តិការណ៍
- កីឡាករ Yotsakon Burapha ជាកីឡាករវ័យក្មេងល្អជាងគេ ប្រចាំព្រឹត្តិការណ៍
ក្រៅពីកីឡាករល្អប្រចាំព្រឹត្តិការណ៍ ក្នុងនោះក៏មានកីឡាករល្អប្រចាំការប្រកួត១រូបដែរ នោះគឺកីឡាករ ĐỖ HOÀNG HÊN របស់វៀតណាម។
ព្រឹត្តិកាណ៍ប្រកួតបាល់ទាត់បុរសជើងឯកអាស៊ាន ដែលប្ដូរឈ្មោះថ្មីតាមម្ចាស់ឧបត្ថម្ភ ASEAN Hyundai Cup ឆ្នាំ២០២៦ ចាប់ផ្ដើមពីថ្ងៃទី២៤ ខែកក្កដា រហូតដល់ថ្ងៃទី២៦ ខែសីហា ឆ្នាំ២០២៦ ពោលគឺចំពេលដែលលីគនៃប្រទេសក្នុងតំបន់អាស៊ានទាំង១១ សម្រាក។
គួររំលឹកថា ពាននេះជាទូទៅច្រើនធ្វើឡើងនៅចុងឆ្នាំ អំឡុងខែវិច្ឆិកា ដល់ខែធ្នូ ខណៈពីពេលនេះទៅ លេងពាក់កណ្ដាលឆ្នាំដ់ម្បីឱ្យស្របទៅនឹងប្រតិទិន FIFA Day ផងដែរ។
- វគ្គជម្រុះ៖ ថ្ងៃទី២៤ ខែកក្កដា ដល់ថ្ងៃទី៨ ខែសីហា ឆ្នាំ២០២៦
- Knockout Stage (វគ្គពាក់កណ្តាលផ្តាច់ព្រ័ត្រ និងក្រៅដី និងផ្តាច់ព្រ័ត្រ)៖ ថ្ងៃទី១៥ ដល់ ២៦ ខែសីហា ឆ្នាំ២០២៦
គួរបញ្ជាក់ថា ការប្រកួតកីឡាបាល់ទាត់ពានរង្វាន់ជើងឯកប្រចាំតំបន់ ASEAN Championship បង្កើតឡើងដំបូងនៅឆ្នាំ១៩៩៦ ធ្វើឡើងរៀងរាល់២ឆ្នាំម្ដង ថៃ គ្រងជើងឯកបានច្រើនជាងគេ ចំនួន ៧លើក (១៩៩៦, ២០០០, ២០០២, ២០១៤, ២០១៦, ២០២០, ២០២២) សិង្ហបុរី ចំនួន ៤លើក (១៩៩៨, ២០០៤, ២០០៧, ២០១២) និងវៀតណាម ចំនួន ៤លើក ២០០៨, ២០១៨, ២០២៤ និងឆ្នាំ២០២៦៕
