ឈានដល់ដំណាក់កាលសំខាន់ នៃការប្រកួតពានរង្វាន់ The Mobile Legends: Bang Bang Professional League – Cambodia ឬ MPL Cambodia រដូវកាលទី១១ ក្រុមទាំង ១០ បានត្រៀមលក្ខណ:រួចរាល់រៀងខ្លួន ស្របពេលក្រុម Valhalla និង TNR បានបន្ថែមសមាជិតថ្មី ដើម្បីបំពេញចន្លោះខ្វះខាត់របស់ក្រុម ត្រៀមប្រជែងកៅអីទៅកាន់វគ្គសំខាន់ Playoffs។
ទី១ គឺក្រុម Valhalla ការផ្លាស់ប្ដូរកីឡាករ MID-Season Transfer បានធ្វើការនាំចូលនូវកីឡាករ Xingg ដើម្បីមកពង្រឹងបន្ថែមនូវតំណែង Gold Lane សម្រាប់ការប្រជែងយកកៅអី Playoffs។
ទី២ ក្រុម TNR ESPORTS បានធ្វើការនាំចូលនូវកីឡាករ Alfonso ដែលមកលេងក្នុងតំណែង Jungler សម្រាប់ការប្រជែងយកកៅអី Playoffs។
សម្រាប់កាលវិភាគប្រកួតសម្រាប់សប្ដាហ៍ទី ៣ ថ្ងៃទី ១
- ប្រកួតទី ១៖ ជំនួបរវាងក្រុមថ្មី TNR ESPORTS ប្រកួតជាមួយ Team RVZ
- ប្រកួតទី ២៖ ក្រុមកំពូលតារាង Team Flash KH ប្រកួតជាមួយ Valhalla ដែលកំពុងត្រូវការជ័យជម្នះជាចាំបាច់
- ប្រកួតទី ៣៖ See You Soon ប្រកួតជាមួយ ក្រុមការពារតំណែងជើងឯក Pro Esports ដែល See You Soon
ការប្រកួត MPL Cambodia រដូវកាលទី ១១ បានបញ្ចប់សម្ដាហ៍ទី២ ស្របពេលក្រុម Team Flash KH ឈរកំពូលតារាង ឆ្លងកាត់ ៣ប្រកួត Team Flash KH បង្ហាញភាពលេចធ្លោខ្លាំង ជាមួយជ័យជម្នះ ៣ ប្រកួត ដោយមិនទាន់របូតសូម្បីតែមួយវគ្គ។
ការប្រកួត MPL Cambodia រដូវកាលទី ១១ មានចំនួន ១០ក្រុមប្រជែងជើងឯក រួមមាន៖ ក្រុម Pro Esports ជើងឯកឆ្នាំចាស់ Team Flash KH, Vigor Apex, Galaxy Legends, Team RVZ, TRN Esport, Valhalla, Evil Eye Eposrt, See You Soon និងក្រុមកីឡាការិនី Queen Phoenix។ ការប្រកួតត្រូវបានចាប់ផ្ដើមពីថ្ងៃទី១៨ ខែកញ្ញា ឆ្នាំ២០២៦។
សម្រាប់ ម្ចាស់ជើងឯក នៃការប្រកួត MPL Cambodia រដូវកាលទី ១១នេះ នឹងមានឱកាសទទួលបានកៅអីតំណាងកម្ពុជា ទៅចូលរួមប្រកួតនៅក្នុងព្រឹត្តិការណ៍ M8 World Championship ធ្វើឡើងនៅប្រទេសតួកគី ប្រព្រឹត្តិនៅដើមឆ្នាំ២០២៧ ស្របពេលការប្រកួតជម្រុះ Wildcard និងធ្វើឡើងនៅប្រទេសថៃ តែក្រុមនឹងត្រូវធ្វើប្រកួតប្រកួតតាមរយ:អនឡាញ៕
