ឈានដល់វគ្គសំខាន់ នៃការប្រកួតពានរង្វាន់ The Mobile Legends: Bang Bang Professional League – Cambodia ឬ MPL Cambodia រដូវកាលទី១១ នឹងមាន ២ក្រុមដែលត្រូវធ្លាក់ចេញ ខណ: ២ក្រុមទៀត នឹងត្រូវបន្តដំណើរទៅកាន់វគ្គ ក្នុងការប្រកួតវគ្គ Playoffs (Play-Ins) នៅរសៀលថ្ងៃទី១២ វិច្ឆិកានេះ ម៉ោង១២:០០នាទីតទៅ។
រំលឹកថាបញ្ចប់ការប្រកួតវគ្គវិលជុំសន្សំពិន្ទុ ក្រុមខ្លាំងទាំង ៦ ដែលបានឡើងទៅវគ្គ Playoffs រួមមាន៖
• Vigor Apex (ចំណាត់ថ្នាក់លេខ ១)
• Team Rvz (ចំណាត់ថ្នាក់លេខ ២)
• PRO Esports (ចំណាត់ថ្នាក់លេខ ៣)
• Team Flash KH (ចំណាត់ថ្នាក់លេខ ៤)
• Valhalla (ចំណាត់ថ្នាក់លេខ ៥)
• TNR Esports (ចំណាត់ថ្នាក់លេខ ៦)
ការប្រកួតកីឡាអេឡិចត្រូនិក លីគអាជីពកម្ពុជា MPL Cambodia Season 11 វគ្គ Playoffs នឹងប្រព្រឹត្តទៅចាប់ពីថ្ងៃទី ១២ ដល់ថ្ងៃទី ១៥ ខែវិច្ឆិកា ឆ្នាំ ២០២៦ ដោយមានការចូលរួមពីក្រុមខ្លាំងទាំង ៦ ដែលបានកាត់ សេចក្តីចេញពីវគ្គ Regular Season។
តារាងកាលវិភាគការប្រកួតវគ្គ Playoffs (១២ – ១៥ វិច្ឆិកា ២០២៦)
- ១២ វិច្ឆិកា ២០២៦៖ (Play-Ins) ការប្រកួត BO5
- ១៣ វិច្ឆិកា ២០២៦៖ (Semifinals) ការប្រកួត BO5
- ១៤ វិច្ឆិកា ២០២៖៦ Upper Bracket Finals និង Lower Bracket Finals ការប្រកួត BO5
- ១៥ វិច្ឆិកា ២០២៦៖ (Grand Final) ការប្រកួត BO7
ក្នុងព្រឹត្តិការណ៍ MPL Cambodia Fiesta មិនត្រឹមតែមានការទស្សនាការប្រកួត អ្នកគាំទ្រក៏នឹងបានចូលរួមការប្រគំតន្ត្រីផ្ទាល់ DJ ល្បីៗ ដ៏ពិរោះរណ្ដំ និងកន្ត្រាក់អារម្មណ៍ពីក្រុមតន្ត្រី Plugger Band មកសម្ដែងជូនអ្នកគាំទ្រទាំងអស់គ្នា ទស្សនាដោយផ្ទាល់នៅ MPL Cambodia Arena ចាប់ពីថ្ងៃទី ១២ ដល់ថ្ងៃទី ១៥ ខែវិច្ឆិកា ឆ្នាំ ២០២៦ ផងដែរ៕
