ទីបំផុតការប្រកួតពានរង្វាន់ The Mobile Legends: Bang Bang Professional League – Cambodia ឬ MPL Cambodia ​រដូវកាលទី១១ បាន​រក​ឃើញ​ម្ចាស់​ជើង​ឯក​ហើយ ក្រោយ​ឆ្លងកាត់​ការប្រកួត​ដ៏​ជក់​ចិត្តចំនួន ៦ហ្គេម​រវាង​ក្រុម Vigor Apex តទល់និង Team Flash KH កាល​ពី​ថ្ងៃទី១៥ ខែវិច្ឆិកា ឆ្នាំ២០២៦ នៅ MPL Cambodia Arena។

ជាលទ្ធផល​ក្រុម​ទាំង​បាន​បញ្ចប់​ការប្រកួត​ទៅ​ដោយ​លទ្ធផល Vigor Apex បាន​យក​ឈ្នះ ​Flash KH ក្នុង​លទ្ធផល ៤ទល់និង២ ក្រោយ​ក្រសែភ្នែក​អ្នក​ទស្សនា​ជាច្រើន​នាក់​ពេញ​សាលប្រកួតMPL Cambodia Arena។​

កាន់​តែពិសេសនេះ​​ក្រុម​ Vigor Apex បាន​រក្សា​កំណត់​ត្រាម​ដ៏​ល្អ​មួយ​ជាមួយ Win Sreak មិន​ចាញ់​សោះ​គ្រប់​ការប្រកួត​ ចាប់​ផ្ដើ​​ម​រដូវ​កាល​មក​រហូត​ដល់​គ្រងជើងឯក។ នេះ​ជាលើកទី២ ផង​ដែរ Vigor Apex ចូល​រួម​ប្រជែង MPL KH ដោយលើកទី១ រដូវ​កាល​ទី១០ ក្រុម Vigor Apex ទទួល​បាន​ចំណាត់​ថ្នាក់​លេខ៤ ប៉ុណ្ណោះ។

ដោយ​ឆ្លង​កាត់​១២ប្រកួត​ឈ្នះទាំង ១២ប្រកួត៖ វគ្គ Regular Season ឈ្នះ Pro 2-1 ឈ្នះ Galaxy 2-0 ឈ្នះ Flash 2-0 ឈ្នះ Valhalla 2-1 ឈ្នះ Soon 2-0 ឈ្នះ RVZ 2-1 ឈ្នះ TNR 2-1 ឈ្នះ Phoenix 2-0 និងឈ្នះ Evil Eye 2-1។

ឈាន​ដល់​វគ្គ​ Playoffs ក្រុម Vigor Apex ឈរ​កំពូល​តារាង ទទួល​បាន​កៅអី​វគ្គ Upper Bracke និង​បាន​យក​ឈ្នះ TNR 3-0 ឡើង​ទៅ​កាន់​វគ្គ Upper Bracket Final យក​ឈ្នះ Flash 3-0 កក់​កៅអី​វគ្គ Grand Final និង​បាន​យក​ឈ្នះ Flash 4-2 ក្លាយ​ជាម្ចាស់​ជើង​ឯក MPL KH ជាលើក​ដំបូង។

សម្រាប​ជ័យ​នេះ​ក្រុម​ Vigor Apex ក៏​មាន​ឈ្មោះ​តំណាង​កម្ពុជា ទៅចូល​រួម​ក្នុងការប្រកួតពានរង្វាន់ MLBB Championship Tour SEA 2026 (MTC SEA 2026) ខណ:ការ​ចាប់​ពូល​ក៏​បាន​ធ្វើ​រួចរាល់​ផង​ដែរ ស្ថិតនៅពូល C ជាមួយ Falcon Esports មីយ៉ាន់​ម៉ា និង Bacon Time ថៃ។

សូម​បញ្ចាក់​ផង​ដែល​ថា សម្រាប់​ការ​ប្រកួត​ MLBB Championship Tour SEA 2026 នឹង​ចាប់​ផ្ដើម​ពី​ថ្ងៃទី៩ ដល់​ថ្ងៃទី១៣ ខែធ្នូ ឆ្នាំ២០២៦ ដោយ​ក្រុម​ Vigor Apex កម្ពុជា នឹង​ធ្វើ​ការប្រកួត​តាម​រយ:អន​ឡាយ។

ការប្រកួតកីឡាអេឡិចត្រូនិក លីគអាជីពកម្ពុជា MPL Cambodia Season 11 វគ្គ Playoffs មុន​រក​ឃើញ​ម្ចាស់​ជើង​ឯកនេះ បានប្រព្រឹត្តទៅចាប់ពីថ្ងៃទី ១២ ដល់ថ្ងៃទី ១៥ ខែវិច្ឆិកា ឆ្នាំ ២០២៦ ដោយមានការចូលរួមពីក្រុមខ្លាំងទាំង ៦ ដែលបានកាត់ សេចក្តីចេញពីវគ្គ Regular Season។

ការ​ប្រកួត​ MPL Cambodia ​រដូវកាលទី ១១ មាន ១០ក្រុមចូល​រួម​ប្រជែង​ជើង​ឯក រួម​មាន Pro Esports ជើងឯកឆ្នាំចាស់ Team Flash KH, Vigor Apex, Galaxy Legends, Team RVZ, TRN Esport, Valhalla, Evil Eye Eposrt, See You Soon និងក្រុមកីឡាការិនី Queen Phoenix។ ការប្រកួត​ត្រូវ​បាន​ចាប់​ផ្ដើម​ពី​ថ្ងៃទី១៨ ខែកញ្ញា នឹង​បាន​បញ្ចប់​នៅ​ថ្ងៃទី១៥ ខែវិច្ឆិកា ឆ្នាំ២០២៦ ម្សិក​មិញនេះ។

ក្នុងព្រឹត្តិការណ៍ MPL Cambodia រដូវ​កាល​ទី១១នេះ មិនត្រឹមតែមានការទស្សនាការប្រកួត អ្នកគាំទ្រក៏នឹងបានចូល​រួមកម្មវិធី MPL Cambodia Fiesta ការប្រគំតន្ត្រីផ្ទាល់ DJ ល្បីៗ ដ៏ពិរោះរណ្ដំ និងកន្ត្រាក់អារម្មណ៍ពីក្រុមតន្ត្រី Plugger Band មកសម្ដែងជូនអ្នកគាំទ្រទាំងអស់គ្នា ពិ​សេស​បាន​ហ្កេម​សប្បាយ​ៗ ឈ្នះរង្វាន់ជាច្រើន​ដែល​នេះគឺជាលើកដំបូងក្នុង​ការរៀបចំឡើង ជួយអ្នកទស្សនាដោយផ្ទាល់នៅ MPL Cambodia Arena ផងដែរ៕

Share.