តារាចម្រៀងម្ចាស់ពាន American Idol ដែលជាបេក្ខជនសំណព្វចិត្តអ្នកគាំទ្របានចេញមកប្រកាសជាសាធារណ:ថាខ្លួនជាសមាជិក LGBTQIA តាមរយ:សំណេរពោរពេញដោយអារម្មណ៍ក្ដុកក្ដួលជាទីបំផុត
សូមចុចអាន៖ F4 កូរ៉េ ធ្វើឱ្យគណៈកម្មការ AGT ភ្ញាក់ផ្អើលខ្លាំងក្រោយស្ដាប់អ្នកទាំង៤ Cover បទ «All My Life»!
សារព័ត៌មាន Yahoo បានលើកយកការរៀបរាប់ក្នុង Account IG របស់ David មករៀបរាប់យ៉ាងដូច្នេះថា៖
«ខ្ញុំចង់ទុករឿងនេះម្នាក់ឯង តែខ្ញុំគិតថារឿងនេះសំខាន់សម្រាប់មនុស្សជាច្រើន។ ខ្ញុំបានទទួលយកការពិត ហើយប្រាប់រឿងនេះទៅកាន់គ្រួសារជាយូរមកហើយថាខ្ញុំមិនច្បាស់ពីភេទរបស់ខ្លួនឯងនោះទេ។ កាលពីឆ្នាំ២០១៤ ខ្ញុំបានសារភាពទៅកាន់គ្រួសារខ្ញុំថាខ្ញុំជា Gay (បុរសស្រលាញ់បុរស) ប៉ុន្តែខ្ញុំស្រាប់តែចាប់អារម្មណ៍ថាខ្ញុំមានអារម្មណ៍បែបនេះចំពោះមនុស្សទាំងពីរភេទ។ ក្រោយមកទៀតខ្ញុំដឹងថាខ្លួនឯងលែងមានអារម្មណ៍ត្រេកត្រអាលលើរឿងផ្លូវភេទច្រើន នោះប្រហែលដោយសារតែខ្ញុំចង់រក្សាខ្លួនរហូតដល់ថ្ងៃរៀបការ។ ខ្ញុំជឿថាមានមនុស្សជាច្រើនដែលឆ្លងកាត់បទពិសោធនៃអារម្មណ៍ LGBTQIA ហើយខ្ញុំដឹងថាមានមនុស្សជាច្រើនដែលនៅមិនទាន់ រហូតធ្វើឱ្យគេទទួលអារម្មណ៍ថាខ្លួនឯកោ ដូច្នេះខ្ញុំចេញមកនិយាយនេះសង្ឃឹមថានឹងជួយចែករំលែកនូវការយល់ដឹងដល់ពួកគេបានខ្លះ។» នេះជាអ្វីដែល Devid Archuleta បានរៀបរាប់នៅក្នុងសំណេររបស់ខ្លួន។
អតីតម្ចាស់ពាន American Idol ឆ្នាំ២០០៨ រូបនេះបានបន្តទៀតថាបើសួរថាតើលោកជាភេទអ្វីនោះ លោកមិនអាចឆ្លើយបាននោះទេ ប៉ុន្តែលោកលើកទឹកចិត្តឱ្យអ្នកផ្សេងៗទៀតទុកចន្លោះមួយដើម្បីស្វែងយល់ពីក្រុម LGBTQIA ឬក្រុមមនុស្សដែលស្ថិតក្នុងលក្ខខ័ណ្ឌដូចជាលោក ដើម្បីឱ្យពួកគេមានតុល្យភាពជំនឿហើយជួយឱ្យគេបានដឹងពីអត្តសញ្ញាណខ្លួនឯងដូចជាលោកបានដឹងពីខ្លួនឯងដែរ។
David Archuleta ដែលបច្ចុប្បន្នមានអាយុ៣០ឆ្នាំបានបន្តទៀតថា៖ «ជូនចំពោះអ្នកដែលមិនទាន់យល់ពីអារម្មណ៍ខាងក្រៅនៃមនុស្សដែលមានភេទប្រតិព័ទ្ធនឹងភេទផ្ទុយគ្នា ខ្ញុំសូមឱ្យអ្នកយល់ ព្រោះខ្ញុំបានព្យាយាមមកជិត២០ឆ្នាំហើយ ដើម្បីផ្លាស់ប្ដូរខ្លួនឯង រហូតទីបំផុតខ្ញុំដឹងថាព្រះជាម្ចាស់បានបង្កើតខ្ញុំមកបែបនេះ។ ក្រៅពីមិនស្អប់អ្វីដែលខ្ញុំគិតថាខុស ខ្ញុំដឹងថាព្រះជាម្ចាស់ស្រលាញ់នូវអ្វីដែលខ្ញុំជាខ្ញុំ មិនមែនជាភេទណាមួយរបស់ខ្ញុំនោះទេ។ ប្រសិនបើនរណាម្នាក់ជ្រើសរើសរស់នៅខុសពីអ្វីដែលគេធ្លាប់បានប្រាប់ឱ្យមានជំនឿថានោះគឺជារឿងត្រឹមត្រូវ សូមមានមេត្តាចំពោះពួកគេផងព្រោះផ្លូវធ្វើដំណើររបស់គេវែងឆ្ងាយហើយហត់នឿយខ្លាំងណាស់ ថែមទាំងមិនអាចកែប្រែអ្វីបានថែមទៀតផង។»
អ្នកគាំទ្ររាប់ម៉ឺននាក់បានបញ្ចេញមតិវិជ្ជមានលើកទឹកចិត្តនៅខាងក្រោមសំណេររបស់លោកដោយក្នុងនោះមានសំឡេងគាំទ្រពីមិត្តរួមប្រកួតកម្មវិធី American Idol រដូវកាលទី៧ និងជាបេក្ខជន Top2 ជាមួយគ្នាលោក David Cook ដោយលោកបានសរសេរថា៖ «ស្រលាញ់អ្នក ហើយមានមោទកភាពចំពោះអ្នកមិនថាអ្នកជាអ្វី» មានបេក្ខជនដែលចូលរួមប្រកួតជាមួយនឹង David ជាច្រើនរូបទៀតបានចូលមក Comment លើកទឹកចិត្តនិងគាំទ្រចំពោះសេចក្ដីក្លាហាននិងភាពស្មោះត្រង់របស់លោក។
រំលឹកឡើងវិញ David Archuleta គឺជាម្ចាស់ពាន American Idol រដូវកាលទី៧ ឆ្នាំ២០០៨ ដែលកាលនោះមានអាយុត្រឹមតែ១៧ ឆ្នាំប៉ុណ្ណោះ ខណៈរងជើងឯកគឺលោក David Cook ដែលជាអ្នកចូលមកគាំទ្រនិងលើកទឹកចិត្ត Devid Archuleta នៅក្រោមផុសនោះឯង៕
ទស្សនាការបង្ហាញសមត្ថភាពច្រៀងបទ «Imagine» របស់ Jonh Lennon ច្រៀងដោយ Devid ក្នុងកម្មវិធី American Idol៖
