ជម្រើសជាតិចិន ត្រូវការពិន្ទុបន្ថែមក្នុងនាមជាក្រុមចំណាត់ថ្នាក់លេខ២តាមពូល ដើម្បីទទួលបានកៅអីឡើងទៅជុំទី៣ នៃវគ្គជម្រុះប្រចាំទ្វីបអាស៊ី នៃពានរង្វាន់បាល់ទាត់ពិភពលោក 2022 FIFA World Cup ខណៈប្រកួតចុងក្រោយប្រចាំពូល A ចិន ត្រូវជួបស៊ីរី នៅវេលាម៉ោង១រំលងអាធ្រាត្រក្នុងប្រទេសអារ៉ាប់រួម ដែលជាទឹកដីកណ្ដាល។
អត្ថបទពាក់ព័ន្ធ៖ជម្រុះ World Cup៖កំពុងតែប្រកួតស្រាប់តែម្ចាស់ផ្ទះចិន សុំប្តូរទៅធ្វើនៅឌុយបៃ វិញ
បើតាមសារព័ត៌មានក្នុងស្រុកចិន បញ្ជាក់ថាសហព័ន្ធកីឡាបាល់ទាត់របស់ខ្លួន បានត្រៀមប្រាក់រង្វាន់ដល់ក្រុមកីឡាករជម្រើសជាតិដូចជា៖
១) ឈ្នះក្រុមកោះហ្គាម ទទួលបាន១លានយ័ន (ជាង១៥ម៉ឺនដុល្លារអាមេរិក)
២) ឈ្នះម៉ាល់ឌីវ ទទួលបាន២លានយ័ន (ជាង៣១ម៉ឺនដុល្លារអាមេរិក )
៣) ឈ្នះហ្វីលីពីន ទទួលបាន៣លានយ័ន (ជាង៤៦ម៉ឺនដុល្លារអាមេរិក)
៤) បើឈ្នះស៊ីរី នៅយប់នេះ ទទួលបាន៦លានយ័ន (ជាង៩៣ម៉ឺនដុល្លារអាមេរិក)
អត្ថបទពាក់ព័ន្ធ៖មានប្រជាជនជាង១ប៊ីលាននាក់ តែចិនកោះហៅកីឡាករចូលសញ្ជាតិថែម៥នាក់ត្រៀម World Cup
