«ព្រហ្មលិខិតលម្អៀង» រឿងភាគមនោសញ្ចេតនា ជីវិត ដែលសម្ដែងដោយតារាស្រីពូកែសម្ដែងកញ្ញា ស៊ីន យូប៊ីនត្រៀមចាក់បញ្ចាំងលើកញ្ចក់ទូរទស្សន៍ភីអិនអិន កំពុងតែទាញបានចំណាប់អារម្មណ៍មហាជនថែមទៀត ក្រោយរូបថតឈុតក្រៅឆាក លេងទឹកយ៉ាងសាហាវរបស់កញ្ញា ស៊ីន យូប៊ីនត្រូវបានចែកចាយ។
សូមចុចអាន ជិតបានមើលទេដឹង? យូប៊ីន បញ្ចេញរូបស្អាត៣ សន្លឹកពីឆាកថតរឿង«ព្រហ្មលិខិតលម្អៀង»!
រឿងភាគសម័យខាងលើនេះកញ្ញា ស៊ីន យូប៊ីន ត្រូវសម្ដែងជាតួអង្គកូនភ្លោះ ដែលមានអត្តចរិតផ្ទុយគ្នាស្រឡះ ម្នាក់ស្លូតបូតសុភាព ធ្លាប់មានជំងឺតាំងពីក្មេង ត្រូវបញ្ជូនទៅរស់នៅនិងសិក្សានៅបរទេស ខណៈម្នាក់ទៀតកាចឆ្នាស់ និងពូកែច្រណែនឈ្នានីស។
សូមចុចអាន ហ្វេនអន្ទះសារ! ស្រីស្អាត៣រូបនេះម្នាក់ណាជាតួឯកស្រីក្នុងរឿងថ្មីរបស់ ខាត់ វ៉ៃហាំង
រៀបរាប់ត្រឹមប៉ុណ្ណឹងប្រិយមិត្តអ្នកអានអាចសន្មតបានហើយថា រូបភាពប៉ុន្មានសន្លឹកដែលកញ្ញា បានបង្ហោះចែករំលែកអ្នកគាំទ្រកាលពីថ្ងៃទី១៦ ម្សិលមិញនេះ កញ្ញា ស៊ីន យូប៊ីនអាចនឹងកំពុងសម្ដែងជាតួអង្គ កូនភ្លោះដែលមានចរិត កាច ឆ្នាស់ នោះឯង។
គ្រាន់តែឃើញឈុតក្រៅឆាក កញ្ញាសម្ដែងទឹកមុខសាហាវនិងគួរឱ្យគ្រឺតប៉ុណ្ណឹងទៅហើយចុះទម្រាំបានទស្សនាសាច់រឿងពេញ តើប្រិយមិត្តនឹងខ្នាញ់តួអង្គមួយនេះយ៉ាងណាទៅ?
គួរដឹងដែរថារឿងភាគទូរទស្សន៍ ព្រហ្មលិខិតលម្អៀង ដែលកញ្ញា ស៊ីន យូប៊ីន សម្ដែងជាតួអង្គកូនភ្លោះនេះ មានតួឯកប្រុសដល់ទៅពីររូបគឺ លោក សុខ សាន់នី និង លោក ណា ខុន៕
រូបភាព៖ Shin Yubin (FB Page)
