ឆ្លើយតបទៅនឹងការសំណូមពររបស់អ្នកគាំទ្រ Content Creator ដ៏ល្បីលោក Reven Blaze បានបង្ហោះវីដេអូមួយចែករំលែកវិធីសាស្ត្រងាយៗកម្សាន្តនៅផ្ទះ បានសប្បាយ បានបែកញើស ដូចជាបានហាត់ប្រាណផងដែរ។
សូមចុចអាន Athika៖ ព្រោះមានសាក់ច្រើនលើដងខ្លួន សូម្បីតែដកដង្ហើមក៏គេចាត់ទុកថាខុសដែរ!
Raven Blaze បានលើកឡើងនៅក្នុងនោះដែរថា ការធ្វើវីដេអូនេះគឺលោកធ្វើឡើងដើម្បីឆ្លើយតបទៅនឹងតារាបាល់ទាត់ល្បី និង ជាខ្សែប្រយុទ្ធរបស់ក្លិបវិសាខា កីឡាករ កែវ សុខផេង អំពីសកម្មភាពដែលលោកចូលចិត្តធ្វើពេលលោកនៅផ្ទះ។ Content Creator វ័យក្មេងបានចែករំលែកនូវបទពិសោធផ្ទាល់ខ្លួន ក្នុងកំឡុងស្នាក់នៅផ្ទះរក្សា គំលាតដើម្បីចៀសផុតពីកូវីដ ប្រកបដោយសុវត្ថិភាព ហើយមិនធ្វើឱ្យលោកមានអារម្មណ៍ ស្មុគស្មាញ និងតប់ប្រមល់។
Raven Blaze ក៏បានបង្ហើបដែរថា លោកបានចូលរួមក្នុងយុទ្ធនាការមួយឈ្មោះ #RoarAtHome ដែលជាយុទ្ធនាការមួយ ជួយភ្ញោចស្មារតីមនុស្សឱ្យនៅផ្ទះឱ្យបានច្រើន តែនៅផ្ទះបែបមិនស្មុគស្មាញ មិនធុញ តាមរយៈការចែករំលែកសកម្មភាពថ្មីៗ ដែលមនុស្សអាចប្រើប្រាស់បានក្នុងកំឡុងពេលធ្វើចត្តាឡីស័កផងដែរ។
សម្រាប់យុទ្ធនាការនោះ ក្រៅពីមាន Raven Blaze ក៏មានតារាបាល់ទាត់ល្បីពីររូបគឺមាន កែវ សុខផេង និង Thierry Chantha Bin DJ Maily និងកញ្ញា Lisa Mam ផងដែរ។
តាមរយៈការរៀបរាប់របស់ Raven កីឡាករ កែវ សុខផេង កំឡុងពេលលោក សម្ងំនៅក្នុងផ្ទះ លោកចូលចិត្តមើលបាល់ទាត់ និង ទស្សនាភាពយន្ត ខណៈ Thierry ចូលចិត្តធ្វើម្ហូប និង ហាត់ប្រាណ។ ចំណែកកញ្ញា Lisa Mam សិល្បករខាងផ្នែកគំនូរដ៏មានទេពកោសល្យក្រៅពីគូរគំនូរកញ្ញា ឆ្លៀតដាំដើមឈើ ខណៈកញ្ញា DJ Maily ដែលជាមនុស្សដែលធ្វើការក្នុងក្លិបកន្លែងមានសំឡេងខ្លាំងៗ បែរជាចូលចិត្តអានសៀវភៅ ក្នុងកំឡុងពេលសម្ងំនៅផ្ទះរៀងៗខ្លួននោះ។
ចំពោះលោក Raven Blaze វិញ តើលោកចូលចិត្តធ្វើអ្វីពេល Quarantine ទើបធ្វើឱ្យលោក ហ៊ានពោលថាបានទាំងសប្បាយ ហើយបានថែមទាំងបែកញើសទៀត? ចង់ជ្រាបច្បាស់ ឱ្យកាន់តែលម្អិតអាចទស្សនា តាមដានវីដេអូទាំងស្រុងរបស់លោកខាងក្រោមនេះ៖