តារាសម្ដែង អាំង សុជាតា ហៅ ឈូឈូ គឺជាតារាសម្ដែងមួយរូបដែលមានរូបសម្បត្តិស្រស់ស្អាតពីធម្មជាតិ យ៉ាងណាមិញក្រោយរូបថតប៉ុន្មានសន្លឹកជាមួយនឹងអ្នកម្ដាយ ដែល អ្នកនាង សឿនផាន ផាភួង ជាអ្នកបង្ហោះដោយខ្លួនឯងនោះ បានធ្វើឱ្យមហាជនចាប់អារម្មណ៍ថាតាមពិតតារាស្រីរូបនេះមានរូបសម្បត្តិស្អាត កាត់តាមម្ដាយ។
សូមចុចអាន បែកធ្លាយ វីដេអូ «រឿងតម្លង់៧សន្ដាន» ហ្វេនសរសើរថាតួស្អាតៗ តែគេចមិនផុតពីការរិះគន់!
តារាសម្ដែង អាំង សុជាតា ដែលជាកូនស្រីរបស់អ្នកនាង សឿនផាន ផាភួង កំពុងតែល្បីនិងឡើងកូដខ្លាំងមិនចាញ់តារាសម្ដែងជំនាន់ជាមួយគ្នានោះទេ ព្រោះជារឿយៗ កញ្ញា តែងតែទទួលបានតំណែង ជាតួឯកស្រី ចំណែករឿងដែលកញ្ញាសម្ដែង រមែងបង្ហោះតាមកញ្ចក់ទូរទស្សន៍ស្ទើគ្រប់ប៉ុស្តិ៍។
នៅថ្ងៃទី២៤ ខែមិថុនា ឆ្នាំ២០២១ នេះ អ្នកនាង សឿនផាន ផាភួង បានបង្ហោះរូបជាច្រើនសន្លឹកជាមួយនឹងកូនស្រីសម្លាញ់ចិត្តកញ្ញា ឈូឈូ ក្នុងឈុតសំលៀកបំពាក់បុរាណ ដោយរូបភាពម្ដាយនិងកូននេះពិតជាស្រស់ស្អាត និង ទទួលបានការសរសើរច្រើនពីអ្នកគាំទ្រ ក៏ដូចជាមហាជន។ យ៉ាងមិញ ចំណុចដែលគួរឱ្យចាប់អារម្មណ៍ខ្លាំងលើសពី រូបភាពដ៏ស្រស់ស្អាត របស់អ្នកម្ដាយ និង កូនស្រីនេះ គឺទម្រង់មុខ ស្អាត និង ទាក់ទាញចិត្តដូចគ្នា ដែលអាចសរុបជារួមបានថា កញ្ញា ឈូឈូ មានមុខស្អាតជាដើមទុនក្នុងអាជីពសិល្បៈនេះ គឺកាត់តាមម្ដាយរបស់កញ្ញា ដែលជាតារាសម្ដែងសាច់សខ្ចី។
ចង់ដឹងថាស្រីស្អាត ឈូឈូ និងអ្នកម្ដាយស្រស់ស្អាតកម្រិតណា សូមតាមដានរូបភាពខាងក្រោមនេះ ៖
រូបភាព ហ្វេសប៊ុក សឿនផាន ផាភួង-Pha Phoung