ព្រឹត្តិការណ៍កីឡាបាល់ទាត់ 2021 FIFA Arab Cup សុទ្ធសឹងតែជាប្រទេសកាន់សាសនាឥស្លាម មកពីទ្វីបអាហ្រ្វិក និងទ្វីបអាស៊ី បានបញ្ចប់ដំណើរការវគ្គជម្រុះហើយ ដោយស្វែងរកបានក្រុមខ្លាំងបន្ថែម ៧ក្រុម ទៅជួប៩ក្រុមផ្សេងទៀត នៅក្នុងវគ្គចែកពូល គ្រោងធ្វើនៅក្នុងប្រទេសកាតារ។
ចំពោះលទ្ធផលប្រកួតវគ្គជម្រុះនេះធ្វើឡើងនៅទីក្រុង ដូហា ប្រទេសកាតារ ទាំងអស់៖
-១៩ មិថុនា ២០២១ លីប៊ី ០-១ ស៊ូដង់
-២០ មិថុនា ២០២១ អូម៉ង់ ២-១ សូម៉ាលី
-២១ មិថុនា ២០២១ ហ្សកដានី ៣-០ ស៊ូដង់ខាងត្បូង
-២២ មិថុនា ២០២១ ម៉ូរីតានី ២-០ យេមែន
-២៣ មិថុនា ២០២១ លីបង់ ១-០ ជីប៊ូទី
-២៤ មិថុនា ២០២១ ប៉ាឡេស្ទីន ៥-១ កូម៉ូរ៉ា
-២៥ មិថុនា ២០២១ បារ៉ែន ២-០ គុយវ៉ែត
អត្ថបទពាក់ព័ន្ធ៖កាតារ ធ្វើម្ចាស់ផ្ទះពាន Arab Cup សម្រាប់រដ្ឋឥស្លាម មុនប្រកួត FIFA World Cup
សូមបញ្ជាក់ថាពានរង្វាន់ 2021 FIFA Arab Cup ចែកជា២វគ្គគឺវគ្គជម្រុះ និងវគ្គចែកពូល។ ៩ក្រុមដែលឈរនៅចំណាត់ថ្នាក់ខ្ពស់ត្រូវអង្គុយចាំនៅវគ្គចែកពូល មានដូចជាម្ចាស់ផ្ទះកាតារ (លេខ៥៨) ទុយនេស៊ី (លេខ២៦) អាល់ហ្សេរី(លេខ៣៣) ម៉ារ៉ុក(លេខ៣៤) អេហ្ស៊ីប (លេខ៤៦) អារ៉ាប៊ីសាអ៊ូឌីត (លេខ៦៥) អ៊ីរ៉ាក់ (លេខ៦៨) អារ៉ាប់រួម (លេខ៧៣) និងស៊ីរី (លេខ៧៩)។
វគ្គជម្រុះ 2021 FIFA Arab Cup នេះប្រកួតពីថ្ងៃទី១៩ ដល់២៥ខែមិថុនា ឆ្នាំ២០២១ ខណៈវគ្គចែកពូលនឹងធ្វើឡើងពីថ្ងៃទី១ដល់១៨ ខែធ្នូ ឆ្នាំ២០២១។
ដូច្នេះវគ្គចែកពូលមាន៖
ពូល A៖ កាតារ, អ៊ីរ៉ាក់,អូម៉ង់,បារ៉ែន
ពូល B៖ទុយណេស៊ី,អារ៉ាប់រួម,ស៊ីរី,ម៉ូរីតានី
ពូល C៖ម៉ារ៉ុក,អារ៉ាប៊ីសាអ៊ូឌីត,ហ្សកដានី,ប៉ាឡេស្ទីន
ពូល D៖អាល់ហ្សេរី,អេហ្សីប,លីបង់,ស៊ូដង់
កាលពីបង្កើតឡើងដំបូងក្នុងឆ្នាំ១៩៩៦៣ ពានរង្វាន់នេះមានឈ្មោះថា Arab Cup ប៉ុន្តែរៀបចំមិនបានទៀងទាត់នោះទេ ដោយឆ្នាំខ្លះរៀបចំ ហើយឆ្នាំខ្លះក៏រំលង ខណៈនេះជាលើកទី២ហើយដែលធ្វើឡើងនៅប្រទេសកាតារ ខណៈឆ្នាំដំបូងធ្វើនៅឆ្នាំ១៩៩៨។ គិតត្រឹមពេលនេះពាន FIFA Arab Cup រៀនចំឡើងបានចំនួន៩លើកមកហើយ ស្របពេលក្រុមអ៊ីរ៉ាក់ ធ្លាប់ឈ្នះជើងឯកបានចំនួន៤លើក អារ៉ាប៊ីសាអ៊ូឌីត ធ្លាប់ឈ្នះបាន២លើក និងទុយណេស៊ី ម៉ារុក ធ្លាប់ ឈ្នះម្នាក់១លើក៕
