អ្នកលេង Twitter រិះគន់ខ្លាំងៗលើករណីដែលលោក «Poj Arnon» អ្នកសម្របសម្រួលកម្មវិធី «แซ่บ 108» ផ្សាយតាមរយៈស្ថានីយទូរទស្សន៍ CH8 បានបង្ហាញការយល់ឃើញពាក់ព័ន្ធនឹងហេតុការណ៍អតីតទាហានកេណ្ឌ បានបាញ់បុគ្គលិកហាងលក់ទំនិញរហូតសដល់ស្លាប់មានលក្ខណៈថា «ការពិតមិនបាច់ទៅបង្គាប់បញ្ជាឱ្យគេសងក៏បាន បៀរមួយកំប៉ុងតម្លៃប៉ុន្មាន» ថែមទាំងមានការសើចក្នុងពេលធ្វើសេចក្ដីរាយការណ៍ព័ត៌មានខាងលើ។
សូមចុចអាន តារាសម្ដែងល្បីថៃ Pooklook ត្រូវប្រជាជនជេរផ្អើលប្រទេសព្រោះរឿងម្ដាយនិងពេទ្យ!
អ្នកលេងបណ្ដាញសង្គម ពិសេស Twitter បានចេញមក Tweet ពាក់ព័ន្ធនឹងករណីខាងលើព្រមទាំងធ្វើការចោទប្រកាន់និងរិះគន់លោក «Poj Arnon» ថាបានប្រើប្រាស់ពាក្យសម្ដីមើលងាយចំពោះជនរងគ្រោះដែលបានស្លាប់បាត់បង់ជីវិត។
ថ្មីៗនេះបន្ទាប់ពីរងនូវការរិះគន់ និង តវ៉ាពីបណ្ដាអ្នកលេងបណ្ដាញសង្គមអ្នកដឹកនាំរឿង «ខ្មោចត្រឡោកបែក» ឬ «អូ!ខ្មោចលង» និងជាពិធីករកម្មវិធីល្បីផងនោះបានចេញមកប្រកាស សុំដកខ្លួន (លាឈប់) ពីតួនាទីជាពិធីករកម្មវិធីខាងលើចាប់ពីចុងខែមិថុនានេះតទៅ ដើម្បីបង្ហាញពីទំនួលខុសត្រូវចំពោះទង្វើនិងពាក្យពេចន៍របស់ខ្លួន ប៉ុន្តែសាមីខ្លួនបានលើកឡើងថាខ្លួនមិនមានចេតនាណាមួយមើលងាយដល់អ្នកក្រីក្រនោះទេ ហើយដើម្បីបញ្ចប់បញ្ហាទាំងអស់កុំឱ្យរីករាលដាលកាន់តែធំរហូតឈានទៅរកទំនាស់គ្នា ទើបខ្លួនសម្រេចចិត្តសុំលាឈប់ ព្រមទាំងសូមបង្ហាញនូវអារម្មណ៍សោកស្ដាយជាពន់ពេកចំពោះរឿងហេតុដែលបានកើតឡើង។
