យោងតាមការផ្សាយរបស់វែបសាយ Korseries ចេញផ្សាយកាលពីថ្ងៃទី ២៦ ខែមិថុនា ឆ្នាំ២០២១ បានឱ្យដឹងថា រឿងភាគ «Nevertheless» របស់ស្ថានីយទូរទស្សន៍ JTBC គ្រាន់តែចាក់ផ្សាយភាគទីមួយភ្លាម បានទទួលការចាប់អារម្មណ៍តាមទស្សនាច្រើនពីអ្នកគាំទ្រ ព្រោះរឿងដែលបរិយាយពីទំនាក់ទំនងសម្ព័ន្ធភាពរបស់មនុស្សពីរនាក់កំពុងស្ថិតក្នុងវ័យសិក្សាមហាវិទ្យាល័យរវាងតួអង្គ Yu Na‑Bi (Han So Hee) យុវតីម្នាក់ដែលជួបប្រទះស្នេហាខកបំណងរហូតលែងជឿជាក់លើស្នេហា និងអ្នកកំលោះសំបូរស្នេហ៍ Park Jae‑eon (Song Kang) ដែលមានទស្សនៈយល់ឃើញថាការសេពគប់ជាមួយនឹងអ្នកណាម្នាក់ជារឿងគួរឱ្យធុញទ្រាន់ គេគ្រាន់តែចង់ជជែកលេង និងធ្វើអីសប្បាយៗប៉ុណ្ណោះ។
សូមចុចអាន ឈុតថើបពីរឿងភាគកូរ៉េចំនួន ៥ ដែលត្រូវបានជ្រើសរើសជាឈុតថើបរំជួលអារម្មណ៍!
នៅជិតចុងបញ្ចប់ភាគទីមួយ មានការទុកចម្ងល់ឱ្យអ្នកទស្សនាតាមដានតាមរយៈឈុតខ្លីៗបង្ហាញពីភាគបន្ទាប់ ដែលមានការបង្ហាញពីសម្ព័ន្ធភាពជ្រាលជ្រៅរវាងតួអង្គទាំងពីរខាងលើ ដែលធ្វើឱ្យអ្នកទស្សនាកាន់តែចាប់អារម្មណ៍ និងជជែកគ្នាពីរឿងរ៉ាវបន្តទៀតរហូតល្បីល្បាញជាលក្ខណៈ Viral លើអនឡាញ។
បន្ទាប់ពីផ្សាយចេញភាគទីមួយរួច «Nevertheless» បានជាប់លំដាប់ទី៦ ក្នុងចំណោម Top10 ជារឿងភាគដែលមានអ្នកទស្សនាលើកមកជជែកច្រើនបំផុត និង ជាប់លំដាប់ទីមួយជាភាពយន្តភាគដែលមានចំនួនស្វែងរកលើអនឡាញជាប់លំដាប់ទីមួយនៅប្រទេសកូរ៉េពេញមួយសប្ដាហ៍ទី៣ នៃខែមិថុនា នេះបើយោងតាម Good Data Corporation គិតចាប់ពីថ្ងៃទី ១៤-២០ មិថុនា ឆ្នាំ ២០២១។ មិនត្រឹមតែប៉ុណ្ណឹងទេ ឈុតខ្លីភាគទី២រឿងនេះ ដែលមានបង្ហាញឆាកថើបគ្នាយ៉ាងរំជួលចិត្តរវាងតួអង្គឯកទាំងពីរ មានចំនួនទស្សនារហូតដល់ជាង ១.២លានដងលើ YouTube របស់ JTBC (គិតត្រឹមថ្ងៃទី ២៦ មិថុនា) ។
មុនចេញផ្សាយភាក២ ដែលជាភាគអ្នកទស្សនារង់យ៉ាងអន្ទះសារនោះ JTBC បានចេញរូបភាពសន្លឹក បង្ហាញពីភាពជិតស្និទ្ធរវាងតួអង្គឯកទាំងពីរគឺ Park Jae Eon និង Yu Na Bi ដែលនឹងធ្វើឱ្យពោះវៀនពោះតាំងអ្នកទស្សនារមួលចូលគ្នាជាក់ជាមិនខាន។
សូមបញ្ជាក់ដែរថារឿងភាគ «Nevertheless» ភាគទីពីរត្រូវបានកំណត់អាយុអ្នកទស្សនា ១៩+ បានចាក់ផ្សាយរួចហើយកាលពីថ្ងៃទី២៦ ខែមិថុនា ឆ្នាំ២០២១ នៅលើប៉ុស្ដិ៍ JTBC និង Netflix។
ទស្សនាឈុតឆាកថើបខ្លីដែលកំពុងតែល្បីខ្លាំងលើអនឡាញរបស់រឿង «Nevertheless» ខាងក្រោមនេះ៖