តារាសម្ដែងកំពុងឡើងកូដ កញ្ញា រចនា រ៉ាវ៉ាឌី ព្រឹកនេះបានចេញមកចែករំលែកបន្ត (Share) នូវសំណេរក្រុមអ្នកគាំទ្រខ្លួន ដែលមានឈ្មោះកាត់ថា RNRDFAN ក្រោយមើលឃើញ អ្នកគាំទ្របានបង្ហាញពីការយកចិត្តទុក និង បារម្ភពីសុខភាពរបស់កញ្ញា។
នៅប៉ុន្មាននាទីមុននេះ (៣ កក្កដា ២០២១) តារាសម្ដែងភាពយន្តភាគ «គឺអ្នក» ចាប់ដៃគូសម្ដែងជាមួយនឹងលោក សុខ សាន់នី និង កញ្ញា យ៉ា សុផាន់ម៉ៃ បានចែករំលែកបន្តនូវសំណេរពីក្រុមអ្នកគាំទ្រ RNRDFAN ជាក្រុមអ្នកស្រលាញ់ចូលចិត្តនិងគាំទ្រកញ្ញា ដើម្បីបង្ហាញពីការអរគុណ។
សំណេរដែលកញ្ញាបានចែករំលែកបន្តនោះ អ្នកគាំទ្រកញ្ញា បានបង្ហាញពីការព្រួយបារម្ភចំពោះសុខភាពកញ្ញា ជាពិសេសគឺការកោតសរសើរ ដែលតារាសម្ដែងស្រីរូបនេះតែងតែបង្ហាញភាពរឹងមាំនៅចំពោះមុខអ្នកគាំទ្រ ដើម្បីកុំឱ្យអ្នកគាំទ្រមានការព្រួយបារម្ភពីសុខភាពរបស់ខ្លួន ទោះជាហត់នឿយបែបណាក្ដី។
«មនុស្សពូកែរបស់ខ្ញុំ បងតែងតែធ្វើអោយខ្លួនឯងរឹងមាំគ្រប់ពេល មួយរយៈនេះមើលទៅបងហត់ណាស់តែ ទោះបីបងលំបាកខ្លាំងប៉ុណ្ណាបងតែងតែឆ្លើយប្រាប់អ្នកទាំងអស់គ្នាថា បងមិនអីទេ បងok បងតែងតែធ្វើអោយអ្នកជុំវិញខ្លួនមិនអោយបារម្ភជានិច្ច I know you’re strong but not Everytime #RNRD_Fan»។