សិល្បៈជាតិ៖ អ្នកនាង ទូច ស្រីល័ក្ខ មិនសូវចេញបទចម្រៀងញឹកញាប់នោះឡើយ ប៉ុន្តែយូរៗម្ដងបទចម្រៀងថ្មីរបស់តារាស្រីរូបនេះរមែងទទួលបានការចាប់អារម្មណ៍និងកោតសរសើរច្រើនពីសំណាក់សាធារណជននិងអ្នកគាំទ្រ ពិសេសបទចម្រៀង «កកូរកូនខ្មែរ» ត្រៀមសម្រាប់ឱកាសចូលឆ្នាំដែលខិតជិតមកដល់ក្នុងពេលឆាប់ៗនេះ។
អានអត្ថបទ៖ ៦ចំណុច ទម្លាក់ក្ដីទុ.ក្ខទទួលយកក្ដីសុខ ត្រាប់តាមតារាស្រីគឺ អ្នកនាង ទូច ស្រីល័ក្ខ
អានអត្ថបទ៖ ទូច ស្រីល័ក្ខ ស្រក់ទឹកភ្នែកភ្លាមៗ ពេលឮសម្ដីកូនប្រុសចង់បួសសងគុណម្ដាយនៅពេលធំឡើង
អ្នកមេម៉ាយចាយសម្រស់រូបនេះត្រូវបានមហាជនទទួលស្គាល់ថា បទចម្រៀងរបស់អ្នកនាងមួយបទៗបានបង្ហោះចែករំលែកនៅបណ្ដាញសង្គម និង Youtube ភាគច្រើនគឺជាស្នាដៃនិពន្ធទំនុកភ្លេងនិងច្រៀងផ្ទាល់ដោយសាមីខ្លួន មានភាពលេចធ្លោនិងចាក់ចំបេះដូងរបស់អ្នកស្ដាប់ជានិច្ច។
ថ្មីៗនេះម៉ាក់ៗវ័យក្មេងដ៏ស្រស់សោភាបាន បញ្ចេញបទចម្រៀងដើម្បីអបអរពិធីបុណ្យឆ្នាំប្រពៃណីខ្មែរដែលមិនថាទាំងទំនុកភ្លេងនិងសាច់រឿងនៃបទចម្រៀងនេះ សុទ្ធសឹងតែកើតចេញគំនិតច្នៃប្រឌិតរបស់អ្នកនាង ទូច ស្រីល័ក្ខទាំងស្រុង។
ក្រៅពីមានបទចម្រៀងត្រៀមសម្រាប់ចូលឆ្នាំថ្មីហើយនោះ អ្នកនាង បានប្រាប់មកអ្នកសារព័ត៌មានត្រយងថាអ្នកនាងមានប្រូចេកជាច្រើននៅក្នុងដៃ ក្នុងនោះឆាប់ៗនេះអ្នកនាងមានអ្វីដែលកាន់ពិសេសដើម្បីបម្រើអារម្មណ៍ប្រិយមិត្ត ហើយក៏ជាបំណងប្រាថ្នាមួយដែលអ្នកនាង តែងតែប៉ងប្រាថ្នាចង់ធ្វើនាពេលកន្លងមក ប៉ុន្តែមិនមានឱកាស។ អ្នកនាងសំណូមពរឱ្យអ្នកគាំទ្ររបស់អ្នកនាង មេត្តាជួយគាំទ្របទចម្រៀងថ្មី និងរង់ចាំជួយតាមដានសម្រាប់ការងារថ្មីរបស់នាង ដោយអ្នកនាងធានាថាប្រាកដជាប្លែកអារម្មណ៍ជាក់ជាមិនខាន។
សូមស្ដាប់បទចម្រៀង «កកូរកូនខ្មែរ» ខាងក្រោមនេះ
