ទីបំផុតលោកប្រធានាធិបតី Rodrigo Duterte របស់ហ្វីលីពីន បានចុះហត្ថលេខាផ្ដល់សញ្ជាតិហ្វីលីពីន ជាផ្លូវការដល់កីឡាករបាល់ទាត់ Bienve Marañon ដែលមានដំណើរកំណើតអេស្ប៉ាញ នៅដើមខែកក្កដា ឆ្នាំ២០២១ នេះ។
អត្ថបទពាក់ព័ន្ធ៖កីឡាការិនីអាស៊ានមួយរូបមានឈ្មោះទៅលេងនៅលីគកំពូលប្រទេសជប៉ុន
ខ្សែបម្រើវ័យ៣៥ឆ្នាំរូបនេះបានធ្វើដំណើរមកដល់ប្រទេសហ្វីលីពីនដំបូងនៅឆ្នាំ២០១៥ ដោយបានចូលរួមជាមួយក្រុម Ceres–Negros ដែលបច្ចុប្បន្នប្តូរឈ្មោះទៅជា United City ព្រមទាំងជួយក្រុមឈ្នះជើងលីគកំពូលហ្វីលីពីន ៤ឆ្នាំជាប់ៗគ្នាគឺឆ្នាំ២០១៧,២០១៨,២០១៩និង២០២០ និងឈ្នះពានរង្វាន់ Copa Paulino Alcantara នៅឆ្នាំ២០១៩។ រូបគេបានឈ្នះស្បែកជើងមាសនៅលីគកំពូលហ្វីលីពីន នៅឆ្នាំ២០២០ និងជាអ្នកទាត់បញ្ជូលទីក្នុងពាន AFC ឆ្នាំ២០១៩ និង២០២០ ផងដែរ។
កីឡាករ Bienve Marañon ជាយុវជនថ្នាលក្លិប La Salle និង Betis ហើយនៅឆ្នាំ ២០០៥ដល់២០០៧ បានចូលរួមក្រុម Rayo Sanluqueño នៅអេស្ប៉ាញ មុនចូលរួមក្រុម Cádiz B ចន្លោះឆ្នាំ២០០៧ដល់២០១០។ ២០១០-១១ ចូលរួមក្រុម Villarrubia ហើយរដូវកាលបន្ទាប់ចូលរួមក្រុម Móstoles និងបន្តផ្ទេរទៅក្រុម Villarrubia នៅឆ្នាំ២០១២។ ក្នុងរដូវកាល២០១២-២០១៣ បានចូលរួមក្រុម La Hoya Lorca និងចុងក្រោយ ឆ្នាំ២០១៥-១៣ ជាសមាជិកក្រុម Socuéllamos មុនធ្វើដំណើរមកកាន់តំបន់អាស៊ាន គឺ ប្រទេសហ្វីលីពីន។
អត្ថបទពាក់ព័ន្ធ៖ហ្វីលីពីន កោះហៅអ្នកចាំទីនៅក្លិប Birmingham City របស់អង់គ្លេស មកជួយជម្រើសជាតិ
មានសញ្ជាតិហ្វីលីពីន កីឡាករ Bienve Marañon អាចមានឱកាសចូលរួមក្រុមជម្រើសជាតិហ្វីលីពីនបានគ្រប់ពេល ស្របតាមការកោះហៅរបស់សហព័ន្ធកីឡាបាល់ទាត់ហ្វីលីពីន៕