សិល្បៈអន្តរជាតិ៖ បុរសម្នាក់សុខចិត្តដាក់ពាក្យធ្វើជាសន្តិសុខ ដើម្បីមានឱកាសបានចូលរួមទស្សនាការប្រគំតន្ត្រីទេសចរណ៍របស់ Taylor Swift ដោយសារតែគ្មានលទ្ធភាពទិញសំបុត្រចូលទស្សនា។ សំបុត្រចូលទស្សនាខនសឺតរបស់ Taylor Swift កំពុងតែធ្វើព្យុះភ្លៀងក្នុងឧស្សាហកម្មតន្ត្រីជាមួយនឹងតម្លៃជាមធ្យមគឺ២១៥$។
បុរស Nashvillian លោក Davis Perrigo ទទួលបានសិទ្ធិចូលរួមទស្សនាការប្រគំតន្ត្រីរបស់ Taylor ដោយលោកបានចេញចែករំលែកបទពិសោធន៍ការចូលទស្សនារបស់ខ្លួនជាលើកដំបូងថា លោកគឺជាបុគ្គលិកផ្នែកគណនេយ្យមួយរូប ដូច្នេះលទ្ធភាពអាចទិញសំបុត្រចូលទស្សនាការប្រគំតន្ត្រីនោះគឺមិនអាចទៅរួចនោះទេ។
ប៉ុន្តែលោកប្ដេជ្ញាធ្វើយ៉ាងណាឱ្យសុបិនចង់ទស្សនាការប្រគំតន្ត្រីរបស់ Taylor Swift ក្លាយជាការពិត លោកបានសម្រេចចិត្តដាក់ពាក្យធ្វើជាសន្តិសុខការពារនៅក្នុងការប្រគំតន្ត្រីនោះ ជាលទ្ធផលលោកត្រូវបានជ្រើសរើសដែលធ្វើឱ្យលោកមានឱកាសបានចូលទស្សនាតន្ត្រីនៅចំពីមុខផ្នែកកណ្ដាលតែម្ដង។
សូមអាន៖ ស្រឡាំងកាំងបន្តិចដែរ ក្រោយ Taylor Swift បើកបេះដូងរឿងធ្លាប់រលូ.តកូនក្នុងបទចម្រៀងថ្មី!
យ៉ាងណាមិញលោកមិនអាចថតរូបភាពជាឯកសារទុកដោយសារតែបំរាមការរឹតបន្តឹងប្រើប្រាស់ទូរស័ព្ទរបស់ថ្នាក់លើ។ សំណាងហាក់នៅជាមួយនឹងលោកព្រោះក្រុមអ្នកគាំទ្ររបស់ Swift មានឈ្មោះថាក្រុម Swifites បានកាន់ទូរស័ព្ទនៅក្នុងដៃហើយថតទុកគ្រប់សកម្មភាពទាំងអស់នៅក្នុងការប្រគំតន្ត្រី ដោយក្នុងនោះថែមទាំងថតជាប់ពេលវេលាដ៏ល្អបំផុតរបស់ Perrigo ផងដែរ។
វីដេអូទាំងនោះត្រូវបានគេយកបង្ហោះចែកចាយលើបណ្ដាញសង្គមហើយរឿងរ៉ាវរបស់លោកបានក្លាយជាទីពេញនិយមបំផុតមួយ។ ខណៈដែលលោកទទួលបានកេរ្តិ៍ឈ្មោះនៅលើអនឡាញ អ្នកគាំទ្រជាច្រើននាក់បានសង្កេតឃើញថាលោកមានទាំងភាពឈ្លក់វង្វេង និងអន្ទះសារមិនផ្លាស់ប្ដូរ ថែមទាំងច្រៀងតាមគ្រប់ម៉ាត់ក្នុងបទចម្រៀងរបស់ Taylor Swift ថែមទៀតផង។
អ្នកគាំទ្រខ្លះបាននិយាយកំប្លែងថាខ្លួនត្រៀមខ្លួនរៀបការរួចហើយ ទោះជាគេដឹងថា Perrigo គឺជាបុរសរៀបការរួចហើយជីវិតអាពាហ៍ពិពាហ៍របស់លោកក៏ពោរពេញដោយសុភមង្គលក្ដី។
ថ្វីត្បិតតែទទួលបានការចាប់អារម្មណ៍ពីមហាជនប៉ុន្តែ Perrigo នៅតែរក្សាភាពនឹងធឹងដាក់ខ្លួន នឹងដឹងគុណយ៉ាងជ្រាលជ្រៅចំពោះឱកាសដែលខ្លួនបានទទួល លោកនឹងចងចាំនូវអនុស្សាវរីយ៍ដ៏ល្អចំពោះការងារដែលលោកបានបំពេញ ថែមទាំងបានកន្លែងទស្សនាខនសឺតល្អបំផុតមួយផងដែរ៕
ប្រភព៖ newschannel5