សិល្បៈជាតិ៖ ក្នុងនាមរៀមច្បងដែលមានបទពិសោធជោគជាំនៅក្នុងវិស័យប្រកួតសម្រស់ស្រីស្អាត ហង្ស សូរិយ៉ាន់ បានចែករំលែកបទពិសោធន៍ប្រកួតកន្លងមករបស់ខ្លួន ក៏ដូចផ្ញើសារផ្ដាំទៅប្អូនៗ បេក្ខនារីទាំង ២៥ ខេត្ត-ក្រុង ដែលកំពុងត្រៀមខ្លួនដណ្ដើមមកុដ Miss Grand Cambodia 2023 ដើម្បីមានឱកាសតំណាងប្រទេសកម្ពុជាទៅប្រកួតនៅលើវេទិកាអន្តរជាតិ។
សូមអាន៖ ហង្ស សុរិយ៉ាន់ ជួបរឿងមនុស្សក្បែរខ្លួបបំបាក់ទឹកចិត្តដល់ទៅ ២ដង មុនចូលប្រកួត Miss Grand Cambodia
នៅក្នុងឱកាសចូលរួមក្នុងពិធីសន្និសីទសារព័ត៌មាន និង បំពាក់ឆៀងជូនបេក្ខនារីប្រកួត Miss Grand Cambodia 2023 ទាំង២៥ ខេត្ត-ក្រុង កញ្ញា ហង្ស សូរិយ៉ាន់ បានបង្ហាញចំណាប់អារម្មណ៍ថាខ្លួនពិតជារំភើប និង សប្បាយចិត្តជាខ្លាំង ក្នុងឋានៈដែលខ្លួនធ្លាប់ជាបេក្ខភាព Miss Grand Cambodia 2022 បានមកមើលប្អូនៗជំនាន់ក្រោយ បានឃើញប្អូនៗមានទាំង ទេពកោសល្យ បទពិសោធ សម្រស់ និងសមត្ថភាពខ្លាំង ជាពិសេសកញ្ញាចាប់អារម្មណ៍ឃើញថាបេក្ខភាពឆ្នាំ២០២៣ មានកម្ពស់ខ្ពស់ត្រូវស្ដង់ដារ។
សម្រាប់កញ្ញា ហង្ស សូរិយ៉ាន់ បានទទួលស្គាល់ថាថ្វីត្បិតតែកញ្ញាមានបទពិសោធច្រើនលើកមែន ប៉ុន្តែភាពភ័យខ្លាចតែងតែកើតមានជានិច្ចនៅពេលឡើងលើវេទិកាប្រកួត ដូច្នេះកញ្ញាបានផ្ដាំផ្ញើសារទៅប្អូនៗបេក្ខនារីប្រកួតទាំងអស់ត្រូវមើលគំរូកញ្ញា ពេជ្រ វត្តីសារ៉ាវឌ្ឍី។ «យើងត្រូវសួរខ្លួនឯងទោះជាយើងភ័យយ៉ាងណាក៏ដោយ យើងត្រូវសួរថាយើងមកទីនេះដើម្បីអ្វី? ខ្ញុំមកទីនេះដើម្បីផ្សព្វផ្សាយពីវប្បធម៌និងប្រពៃណី ខ្ញុំមកទីនេះដើម្បីបង្ហាញពីសមត្ថភាព ថាតើប្រទេសកម្ពុជាក៏មានស្ត្រីដែលក្លាហាន និយាយទៅយើងមិនបាច់ឧទាហរណ៍ច្រើនទេ គឺតី គាត់មានភាពក្លាហាន ស្រស់ស្អាត គាត់មានអត្តចរិតល្អ នេះហើយដែលយើងចង់បាន នេះហើយគឺជា Miss Grand 2023 ដែលយើងចង់បាន។»
បើនិយាយនៅក្នុងរង្វង់កម្មវិធីប្រកួតប្រជែងសម្រស់ កញ្ញា ហង្ស សូរិយ៉ាន់ គឺជាបេក្ខភាពលេចធ្លោមួយរូបដែលមាន
បទពិសោធយូរឆ្នាំ ព្រោះកន្លងមកកញ្ញាធ្លាប់ជាបេក្ខភាព Top Model 2015 ចំណាត់ថ្នាក់លំដាប់រងទី៣ បេក្ខនារី Miss Global 2019 ស្ថិតក្នុងលំដាប់ Top11 បេក្ខភាព Miss Universe Cambodia 2022 ស្ថិតក្នុងលំដាប់ Top6 និង Miss Grand Cambodia 2022 លំដាប់រងទី១៕