គណៈកម្មាធិការជាតិអូឡាំពិកកម្ពុជា (NOCC) បានចេញសេចក្តីសម្រេចដាក់ការព្រមានដល់សហព័ន្ធកីឡាប្រដាល់គុនខ្មែរ ឱ្យធ្វើការកែទម្រង់ និងដាក់ចេញនូវបទបញ្ញត្តិដោយដាក់ពិន័យយ៉ាងម៉ឺងម៉ាត់ដល់អាជ្ញាកណ្ដាលនិងចៅក្រមឱ្យគោរពស្មារតីកីឡា។
អត្ថបទពាក់ព័ន្ធ៖សម្តេចតេជោ៖«ឱ្យកីឡាប្រដាល់ឈានទៅមុខម្តេចបាន បើសហព័ន្ធ ទុកឱ្យអាជ្ញាកណ្ដាលធ្វើបែបនេះ?»
ការចេញសេចក្តីព្រមាននេះគឺនៅក្រោយមានរឿងអយុត្តិធម៌មួយក្នុងវគ្គផ្ដាច់ព្រ័ត្រពានរង្វាន់ប្រកួតផ្តាច់ព្រ័ត្រកម្មវិធីប្រដាល់«អ្នកតស៊ូគុនខ្មែរគោជល់ កំពូលជើងឯក» រវាងកីឡាករ ឃឹម បូរ៉ា និងកីឡាករ ម៉ឺន មេឃា នៅប៉ុស្តិ៍ទូរទស្សន៍ CNC កាលពីចុងសប្ដាហ៍កន្លងទៅ។ នៅល្ងាចថ្ងៃអាទិត្យ ម្សិលមិញសម្តេចតេជោ ក៏បានលើករឿងនេះ សរសេរនៅលើទំព័រហ្វេសប៊ុករបស់សម្តេចផងដែរ។ ក្រោយសម្តេចបង្ហោះលើហ្វេសប៊ុក ប៉ុន្មាននាទី ភាគីទូរទស្សន៍ CNC បានបញ្ជាក់ថាកីឡាករ ឃឹម បូរី ជាអ្នកឈ្នះតែម្តង ក្រោយការសម្រេចរបស់សហព័ន្ធកីឡាប្រដាល់គុនខ្មែរ៕