សិល្បៈជាតិ៖ ភាគទីមួយនៃរឿង «The Idol» មិនទទួលបានការគាំទ្រតាមការរំពឹងទុកនោះឡើយ ថែមទាំងរងនូវការរិះគន់ពេញទំហឹងទៀត រហូតមានអ្នកលើកឡើងថា ភាគមួយមើលទៅដូចសំរាម។ ថ្វីត្បិតរឿងនេះទទួលរងនូវការរិះគន់ក្ដី ប៉ុន្តែអ្នកគាំទ្របានសរសើរចំពោះទឹកដៃសម្ដែងរបស់ Jennie នៅក្នុងរឿងដំបូងនេះថាធ្វើបានល្អ ជាពិសេសពួកគេបានលើកឡើងថាក្បាច់រាំក្ដៅសាច់របស់នាងមើលទៅជក់ចិត្ត។ស
កាលពីថ្ងៃអាទិត្យកន្លងទៅ Jennie Ruby Jane ឬ អ្នកគាំទ្រភាគច្រើនស្គាល់នាងច្បាស់ថា Jennie Blackpink បានបង្ហាញស្នាដៃសម្ដែងរបស់ខ្លួនជាលើកដំបូងនៅក្នុងភាពយន្ត The Idol របស់ HBO រួមជាមួយនឹង Lily Rose Depp និង The Weeknd។
សូមអាន៖ ភាពយន្ត «The Idol» ដែល Jennie Blackpink ចូលរួមសម្ដែងដំបូងកំពុងរងមតិរិះគន់
ភាពយន្តនេះរងនូវមតិរិះគន់ច្រើនទៅលើការបង្ហាញរូបភាពស្រើបស្រាលបែបក្ដៅសាច់ ដែលអ្នកទស្សនាមួយភាគធំយល់ថាមិនចាំបាច់គួរបង្ហាញដល់ថ្នាក់នោះក៏រឿងនេះនៅតែទទួលបានការចាប់អារម្មណ៍ដដែល។ ទោះជារឿងរងនូវពាក្យរិះគន់ច្រើន ប៉ុន្តែបើងាកមកមើលតួសម្ដែងវិញ Jennie សម្រាប់ការសម្ដែងដំបូងក្នុងតួអង្គ Dyanne អ្នករាំពីក្រោយ Jocelyne ផង និងជាមិត្តភក្ដិផងនោះ គឺទទួលបានតែពាក្យសរសើរ រហូត Trend Twitter លំដាប់កំពូលនៅសហរដ្ឋអាមេរិក ជាមួយនឹង Hashtags ថា #JennieOnTheIdolPremiere និង #Jennie។
ភាពយន្តទីពីររបស់ Sam Levinson នៅលើ HBO បន្ទាប់ពីរឿងទីមួយ Euphoria រងនូវការរិះគន់ចាស់ដៃពីអ្នកទស្សនា ព្រោះមើលទៅជា Content ដែលប៉ះពាល់ឬមិនផ្ដល់តម្លៃឱ្យតារាស្រីៗ ប៉ុន្តែជាសំណាងដែលមាន Jennie ចូលរួមសម្ដែង ធ្វើឱ្យតួអង្គរបស់នាងជួយសម្រាលមតិរិះគន់បានមួយចំនួនធំ ព្រោះអ្នកគាំទ្រ Jennie Blackpink រវល់តែផ្ដោតជាពិសេសលើតួអង្គដែលនាងសម្ដែងទាំងទឺកមុខ កាយវិការ ក៏ដូចជាក្បាច់រាំ ដែលហ្វេនៗយល់ថាមើលទៅជក់ចិត្ត ។ល។
ប្រភព៖ បរទេស