ក្លិបបាល់ទាត់ Lion City Sailors សមាជិកពានរង្វាន់លីគប្រទេសសិង្ហបុរី ក្នុងតំបន់អាស៊ាន បានចុះកិច្ចសន្យាចាប់ដៃគូគ្នារយៈពេល២ឆ្នាំកន្លះ ជាមួយសមាជិកលីគកំពូលនៃប្រទេសអាល្លឺម៉ង់ Bundesliga គឺ Borussia Dortmund។
នៅលើវិបសាយរបស់ក្លិប Lion City Sailors បានបញ្ជាក់ថាភាពជាដៃគូរវាងក្រុមទាំង២គឺផ្តោតលើកម្មវិធីបណ្ដុះថ្នាលយុវជនគ្រប់កម្រិត,បណ្តុះបណ្តាលគ្រូបង្វឹក,ការសិក្សា និងការផ្លាស់ប្ដូរការងារបាល់ទាត់អាជីព ជាពិសេសគឺការបោះជុំរុំហ្វឹកហាត់នៅប្រទេសអាល្លឺម៉ង់ និងសកម្មភាពនានាមួយចំនួនទៀតរវាងក្លិបទាំង២ក្នុងគោលដៅរួមមួយ។
អត្ថបទពាក់ព័ន្ធ៖សេដ្ឋីប្រាក់ពាន់លាន ថៅកែក្លិប Lion City Sailors ជាប់ជាសមាជិកគណៈកម្មាធិការអូឡាំពិកសិង្ហបុរី
ក្រុម Lion City Sailors FC កាលពីមុនមានឈ្មោះថា Home United ប៉ុន្តែក្រោយពេលមហាសេដ្ឋី Forrest Li សម្រេចចិត្តទិញភាគហ៊ុនក្លិបនេះរួចក៏ផ្លាស់ប្តូរឈ្មោះតែម្តងទៅ។ ក្រុមនេះបានសម្រេចចិត្តនាំយកគ្រូបង្វឹកជនជាតិកូរ៉េខាងត្បូង Kim Do-Hoon ដែលធ្លាប់ឈ្នះពានរង្វាន់ AFC Champion League មកដឹកនាំក្រុម ព្រមទាំងនាំយកកីឡាករល្អៗជាច្រើនចូលរួមក្រុមផងដែរ៕