សហព័ន្ធកីឡាបាល់ទាត់វៀតណាម ត្រៀមប្រមូលផ្ដុំកីឡាកររបស់ខ្លួនចាប់ពីថ្ងៃទី៥ ខែសីហា ឆ្នាំ២០២១ នេះតទៅហើយ ដើម្បីត្រៀមខ្លួនប្រកួតលើឆាកអន្តរជាតិ ជាពិសេសប្រកួតជម្រុះពានរង្វាន់ 2022 FIFA World Cup Qatar ជុំទី៣ ប្រចាំទ្វីបអាស៊ី និងវគ្គជម្រុះពានរង្វាន់យុវជនក្រោមអាយុ៣២ឆ្នាំប្រចាំទ្វីបអាស៊ី 2022 AFC U-23 Asian Cup។
លោកគ្រូបង្វឹក Park Hang-Seo បានធ្វើដំណើរត្រឡប់មកពីស្រុកកំណើត ដោយបញ្ចប់ធ្វើចត្តាឡីស័ក ដោយចាប់ប្រមូលផ្ដុំឈុតធំ ពីថ្ងៃទី៥ ខែសីហា និងបន្តប្រមូលផ្ដុំឈុត U23 ពីថ្ងៃទី១០ ខែសីហា ឆ្នាំ២០២១។
អត្ថបទពាក់ព័ន្ធ៖Messi ឡាវ៖«ប្រទេសឡាវទាំងមូល នឹងគាំទ្រជម្រើសជាតិវៀតណាម ទៅប្រកួតWorld Cup»
ក្រុមបាល់ទាត់ជម្រើសជាតិវៀតណាម ស្ថិតនៅក្នុងពូល B នៃវគ្គជម្រុះ 2022 FIFA World Cup Qatar ជាមួយជប៉ុន,អូស្ត្រាលី,អារ៉ាប៊ីសាអ៊ូឌីត,ចិន និងអូម៉ង់ ដោយត្រូវបើកឆាកប៉ះក្រុមអារ៉ាប៊ីសាអូឌីត នៅថ្ងៃបើកឆាក ថ្ងៃទី២ ខែកញ្ញា ឆ្នាំ២០២១។
ចំណែកវគ្គជម្រុះពាន 2022 AFC U-23 Asian Cup វៀតណាម ស្ថិតនៅពូល I ជាមួយមីយ៉ាន់ម៉ា ហុងកុង និងតៃវ៉ាន់ ដោយត្រូវប្រកួតបើកឆាកប៉ះ តៃវ៉ាន់ នៅថ្ងៃទី២៧ ខែតុលា ឆ្នាំ២០២១៕
