ពានរង្វាន់បាល់ទាត់លីគកំពូលនៃប្រទេសហ្វីលីពីន (2024 Philippines Football League) បានចាប់ផ្តើមការប្រកួតហើយសម្រាប់រដូវកាលថ្មីរបស់ខ្លួន ដែលមានសមាជិកចំនួន១៥ក្រុម ក្នុងរយៈពេលប្រកួតប្រជែង៤ខែ។ ប៉ុន្តែអ្វីដែលគួរអោយចាប់អារម្មណ៍ក្នុងរបត់ថ្មីមួយនេះគឺក្លិបជាសមាជិកអាចចុះបញ្ជីបានតាមចិត្ត គ្មានដែនកំណត់ តែត្រូវគោរពលក្ខខណ្ឌមួយចំនួន។
នេះជាចាប់ផ្ដើមថ្មីមួយរបស់លីគបាល់ទាត់ហ្វីលីពីន ដែលមានក្លិបកើនដល់១៥ក្រុម ស្របពេលរដូវកាលឆ្នាំ២០២២-២៣ កន្លងទៅមានក្រុមចូលរួមចំនួន៧ ប៉ុណ្ណោះ ហើយកាលនោះប្រកួតបានពាក់កណ្តាលទីស្រាប់តែមានក្លិបចំនួន២ប្រកួតដកខ្លួនជាបន្តបន្ទាប់ សល់ត្រឹម៥ក្លិប។
អត្ថបទពាក់ព័ន្ធ៖ អាស៊ាន៖លីគកំពូលហ្វីលីពីន សល់សមាជិកតែ៥ក្រុមប៉ុណ្ណោះ ក្រោយ២ក្រុមដកខ្លួន
សម្រាប់ក្លិបទាំង១៥ត្រៀមដណ្តើមជើងឯករដូវកាលនេះមាន Davao Aguilas, Don Bosco Garelli, Dynamic Herb Cebu, Kaya–Iloilo, Loyola, Maharlika Taguig, Manila Digger, Manila Montet, Mendiola 1991, One Taguig, Philippine Air Force, Philippine Army, Stallion Laguna, Tuloy, United City។
ក្នុងចំណោមក្លិបទាំង១៥មាន ក្លិបខ្លះបានចុះបញ្ជីកីឡាករបរទេសលើសពី១០នាក់ ហើយក្លិបចំនួន៣ប្រកាសមិនប្រើប្រាស់កីឡាករបរទេសនោះទេ រួចមានក្លិបManila Montet, Philippine Air Force និងPhilippine Army។ បើទោះជាគណៈកម្មការប្រកួតបើកឱ្យក្លិបជាសមាជិកចុះបញ្ជីកីឡាករបរទេសឥតដែនកំណត់ក្ដី ប៉ុន្តែកាចុះបញ្ជីនេះគឺមានកីឡាករសរុបត្រឹម៣២នាក់នៃបញ្ជីរួមតាមក្លិបនីមួយៗ ព្រមទាំងអនុញ្ញាតឱ្យដាក់កីឡាករបរទេសប្រកួតលើទីលានបានចំនួន៥នាក់ប៉ុណ្ណោះ បូករួមទាំងអ្នកចាំទី។
អត្ថបទពាក់ព័ន្ធ៖CPL៖ប្រើលេសបញ្ហាគ្រួសារឯស្រុកកំណើត កីឡាករជប៉ុនរូបនេះសុំចេញពីព្រៃវែងអែហ្វស៊ី តែទៅចូលរួមក្លិបថ្មីវិញ
ការប្រកួតលីគកំពូលហ្វីលីពីន ធ្វើឡើងពីថ្ងៃទី៦ ខែមេសា ដល់ថ្ងៃទី១៤ ខែមិថុនា ឆ្នាំ២០២៤ ដោយអោយក្លិបជាសមាជិកប្រកួតវិលជុំសន្សំពិន្ទុដោយក្រុមជើងឯកមានកៅអីតំណាងអោយហ្វីលីពីន ទៅប្រកួតពានរង្វាន់កម្រិតទ្វីប 2024–25 AFC Champions League 2 វគ្គចែកពូល និងចូលរួមពានរង្វាន់កម្រិតអាស៊ាន 2024–25 ASEAN Club Championship។
ពានរង្វាន់លីគកំពូលហ្វីលីពីន ទើបតែបង្កើតផ្លូវការនៅឆ្នាំ២០១៧ ដោយក្រុម Ceres–Negros Global Cebu (United City) គ្រងជើងឯកច្រើនជាងគេគឺនៅឆ្នាំ២០១៧, ២០១៨, ២០១៩, ២០២០ ខណៈនៅឆ្នាំ២០២១ ត្រូវផ្អាកការប្រកួតដោយសារការរីករាលដាលនៃជំងឺកូវីដ-១៩ ហើយនៅឆ្នាំ២០២២-២៣ ក្រុម Kaya–Iloilo គ្រងជើងឯកម្តង៕
អត្ថបទពាក់ព័ន្ធ៖ក្រុម Kaya FC–Iloilo គ្រងជើងឯកលីគកំពូលហ្វីលីពីន ជាលើកដំបូងក្នុងប្រវត្តិសាស្រ្ត
