សហព័ន្ធកីឡាបាល់ទាត់ថៃ បានបង្កើតពានរង្វាន់បាល់ទាត់ហ្វូតសាលអន្តរជាតិមួយទៀតដើម្បីឱ្យក្រុមជម្រើសជាតិហ្វូតសាលរបស់ខ្លួនកម្ដៅសាច់ដុំ មុនចេញទៅប្រកួតពានរង្វាន់ FIFA Futsal World Cup នៅប្រទេសលីទុយអានី។
ពានរង្វាន់បាល់ទាត់ SAT International Futsal Championship Thailand 2021 គ្រោងរៀបចំពីថ្ងៃទី២ ដល់ទី៦ ខែ កញ្ញា ឆ្នាំ២០២១ ដោយមានក្រុមម្ចាស់ផ្ទះថៃ អូម៉ង់ ឈីលី និង All Star (ជម្រើសកីឡាករល្អៗក្នុងលីគហ្វូតសាលថៃ)។
ថ្មីៗនេះថៃ បានបង្កើតពានរង្វាន់ហ្វូតសាលអន្តរជាតិឈ្មោះថា Continental Futsal Championship មានក្រុមចូលរួម៨ក្រុម ដោយប្រកួតពីថ្ងៃទី២៥ ដល់៣០ ខែកក្កដា ឆ្នាំ២០២១ ខណៈជើងឯកបានទៅក្រុមអ៊ីរ៉ង់ ហើយម្ចាស់ផ្ទះបានត្រឹមជើងឯករង៕
អត្ថបទពាក់ព័ន្ធ៖អ៊ីរ៉ង់ គ្រងជើងឯកពានហ្វូតសាល Continental Futsal ក្រោយឈ្នះម្ចាស់ថៃ ៥-១ (វីដេអូ)
