នៅក្នុងកម្មវិធីប្រកួតផ្ដាច់ព្រ័ត្រកម្មវិធីប្រកួត Freshie Girls & Boys ជំនាន់ទី២០ ដែលបានប្រកួតកាលពីថ្ងៃទី២៦ ខែសីហា ឆ្នាំ២០២១ ម្សិលមិញនេះ មិនត្រឹមតែរកឃើញម្ចាស់ជ័យលាភី តែក៏រកឃើញ Freshie ដែលមានប្រជាប្រិយភាពខ្លាំងនិងទទួលបានការ Vote ច្រើនបំផុតផងដែរ។
សូមចុចអាន ៥ថ្ងៃទៀត! ពានរង្វាន់កិត្តិយស Hall of Fame Freshie Cambodia នឹងរកឃើញម្ចាស់ហើយ
អតីត Freshie ជំនាន់មុនចំនួន ៩ រួមមាន លោក ញ៉ែម សុគន្ធ Freshies Boy ជំនាន់ទីមួយ , លោក ជា វិបុល Freshie Boy ជំនាន់ទី២ លោក លឹម ជាឡាយ Freshie Boy ជំនាន់ទី៤ កញ្ញា ហ៊ិន ច័ន្ទនីរ័ត្ន Freshie Girl ជំនាន់ទី៦ វីជេ តាប៊ុយ Freshie Boy ជំនាន់ទី៧ លោក កែវ បូរ៉ា Freshie Boy ជំនាន់ទី៧ កញ្ញា មាន សូនីតា Freshie Girl ជំនាន់ទី៨ កញ្ញា រ៉េត សារីតា Freshie Girl ជំនាន់ទី១២ និង ចុងក្រោយ កញ្ញា ឈុំ ចាន់ដារ៉ា Freshie Girl ជំនាន់ទី១៨ ដែលនឹងត្រូវប្រកួតគ្នាតាមរយៈការបោះឆ្នោតពីសំណាក់អ្នកគាំទ្រនោះ ពេលនេះរកឃើញម្ចាស់ជ័យលាភីពានកិត្តិយសហើយ នោះគឺកញ្ញា ហ៊ិន ច័ន្ទនីរ័ត្ន ។
ម្ចាស់ពាន Hall of Fame រូបនេះបានបញ្ចេញចំណាប់អារម្មណ៍រំភើបរីករាយដែលខ្លួនទទួលបានពានរង្វាន់កិត្តិយសនៅលើបណ្ដាញសង្គមថាពានរង្វាន់នេះទទួលបាន ដោយសារតែការស្រលាញ់និងចូលចិត្តពីសំណាក់អ្នកគាំទ្រ។
«អារម្មណ៍មួយដែលរំភើបនិងធ្វើឲ្យនឹកឃើញអតីតកាល មកដល់ពេលនេះបើនិយាយពីបទពិសោធន៍គឺច្រើនគួរសម ពានរង្វាន់ Hall of fame មួយនេះគឺបានពីការគាំទ្ររបស់fanគ្រប់រូបដែលស្រលាញ់នឹងចូលចិត្តនាងខ្ញុំ អរគុណដែលបានផ្តល់ក្តីស្រលាញ់មួយនេះ នាងខ្ញុំនឹងចងចាំទុកជារៀងរហូត
អរគុណ Freshie Cambodia ដែលបានផ្តល់កិត្តិយសក្នុងកម្មវិធីនេះសារជាថ្មី»
