ក្រសួងព្រះបរមរាជវាំង បានបកស្រាយនៅជុំសារព័ត៌មានបរទេសដែលសរសេរថាមានរាជទាយាទមួយព្រះអង្គដាក់សំណើទិញក្លិបបាល់ទាត់ AS Saint-Étienne សមាជិកពានរង្វាន់លីគកំពូលនៃប្រទេសបារាំង ចំនួន១០០លានអឺរ៉ូ កាលពីពេលថ្មីៗ។ សេចក្ដីប្រកាសព័ត៌មាននេះសរសេរជា២ច្បាប់គឺភាសាខ្មែរ១ច្បាប់ និងភាសាអង់គ្លេស១ច្បាប់។
បើតាមសារព័ត៌មាន leparisien របស់បារាំង បានចេញផ្សាយថាព្រះអង្គម្ចាស់ នរោត្តម រ៉ាវីចក្រ បានដាក់សំណើរតាមរយៈធនាគារ KPMG ទិញយកក្លិប AS Saint-Étienne ចំនួន១០០លានអឺរ៉ូ ខណៈភាគីខាងក្លិបនៅមិនទាន់ឆ្លើយតបនៅឡើយនោះទេ។ ក្លិបដែលមានមូលដ្ឋាននៅទីក្រុង Saint-Étienneមួយនេះបានប្រកាសដាក់លក់ជាផ្លូវការ ចាប់តាំងពីថ្ងៃទី១៣ ខែមេសា ឆ្នាំ២០២១ កន្លងមកម៉្លេះ។
Ligue 1 : Saint-Etienne bientôt sous pavillon cambodgien ?
— Le Parisien | sport (@leparisiensport) September 18, 2021
➡️ https://t.co/24m2tF25ns pic.twitter.com/ksfY3Yv5de
ព្រះអង្គម្ចាស់ នរោត្តម រ៉ាវីចក្រ ប្រសូតនៅថ្ងៃទី១ ខែមករា ឆ្នាំ១៩៧៤ ជាបុត្រាមួយអង្គរបស់សម្តេចព្រះមហិស្សរា នរោត្តម ចក្រព័ង្ស់និងអ្នកម្នាង ហ៊ុន សឿន។ ព្រះអង្គជាព្រះរាជនត្តា (ចៅ) មួយព្រះអង្គរបស់ព្រះបរមរតនកោដ្ឋ៕
អត្ថបទពាក់ព័ន្ធ៖ស្គាល់ពីទ្រង់ នរោត្តម រ៉ាវីចក្រ បោះទុន១០០លានអឺរ៉ូ ទិញក្លិបគ្រងជើងឯកលីគបារាំងច្រើនជាងគេ
