ទំនាស់ដែលកើតចេញពីរឿងឈុតរ៉ូបក្នុងរាត្រីគ្រងមកុដ រវាង Miss Grand Cambodia 2020 កញ្ញា លីវ ជីលី និងម្ចាស់ហាងកាត់ដេរនិងច្នៃម៉ូដសំលៀកបំពាក់ដ៏ល្បីមួយរូប នៅតែក្ដៅគគុក ទោះជាភាគីបវរកញ្ញាឯកហាក់ស្ងប់ស្ងាត់មិនមាន Comment អ្វីចំពោះបញ្ហាទំនាស់នេះ ប៉ុន្តែខាងម្ចាស់ហាង មិនស្ងប់ស្ងាត់នោះឡើយ ហើយបន្តផ្លោងសម្ដីនិងប្រដូចស្រីស្អាតមកខេត្តបន្ទាយមានជ័យរូបនេះទៅនឹងសត្វក្រពើ។
សូមចុចអាន ផ្ទុះសង្គ្រា.មស.ម្ដីរវាង Miss Grand 2020 លីវ ជីលី និងអ្នកច្នៃម៉ូ.ដសំលៀ.កបំ.ពាក់…!
យោងតាមសំណេររបស់ម្ចាស់ហាងច្នៃម៉ូដបានលើកឡើងចំនួនពីរដងនៅក្នុងពេលថ្មីៗនេះ ដោយលោកទីមួយកាលពីថ្ងៃទី១២ ខែតុលា ឆ្នាំ២០២១ ម្ចាស់ហាងរូបនោះ បានផុសលើបណ្ដាញសង្គមដោយប្រើសម្ដីធ្ងន់ធ្ងរខ្លាំង ថែមទាំងហ៊ានប្រដូចកញ្ញា លីវ ជីលីនឹងសត្វក្រពើ ដែលសត្វក្រពើនេះនេះតំណាងឱ្យសត្វរមិលគុណ មិនស្គាល់គុណរបស់អ្នកដទៃ។ ម្ចាស់ហាងបានសរសេរនូវពាក្យសម្ដីធ្ងន់ៗយ៉ាងដូច្នេះ៖
«Miss ក្រពេី គិតថាអញឈប់មែន មេីលសំដីអញជួយអត់បាន1៛ អ្នកឯងមែនម្ចាស់ហាង អ្នកឯងមិនដឹង តេទៅព័ត៌មានសុំបទស្រាយថាសុំទោសហេីយៗ មឹចយកទេាសនឹងស្មើនឹងមុខមាត់ហាងខ្ញុំអត់»
បន្តមកទៀតនៅថ្ងៃទី១៣ ខែតុលា ម្ចាស់ហាងដដែលបានបន្តផុសនូវអារម្មណ៍របស់ខ្លួនពាក់ព័ន្ធបញ្ហាឈុតដែលផ្ដោតសំខាន់ថាទង្វើរបស់កញ្ញា លីវ ជីលី ធ្វើឱ្យប៉ះពាល់ដល់កិត្តិយសនិងកេរ្តិ៍ឈ្មោះរបស់ខ្លួន៖
«អត់យល់អ្នកឯងជាម៉ូដែលអ្នកឯងថារ៉ូបពិបាកដើរ ចុះមានកម្មវិធីគេជួលមកដើរធ្វើម៉េចទៅ ហេីយអត់យល់មួយទៀតរ៉ូប ពិបាកដេីរចេញរ៉ូបមួយទៀតមមកពីរណាលឿនម៉្លេះ ឬក៏គ្រប់យ៉ាងបានរៀបចំទុកមុនរួចទៅហើយ ជួយគិតខ្ញុំផងបងប្អូន ពាក់កុំពាក់រិទិ្ធតែល្អ ដេីរប្រាប់គេថារ៉ូបខ្ញុំមិនស្អាត មកប្រាប់ខ្ញុំថារ៉ូបគេមិនស្អាត សហាវណាស់ អ្នកឯងនិយាយថាអត់មានរឿងធំប៉ុន្តែកិត្តិយសហាងខ្ញុំ »
នៅខាងក្រោមការលើកឡើងរបស់ម្ចាស់ហាងសំលៀកបំពាក់ខាងលើនេះមានអ្នកគាំទ្រ មិត្តភក្ដិ ចូលមក Comment គាំទ្រនិងលើកទឹកចិត្តចំពោះម្ចាស់ហាងរូបនេះ ដោយការលើកឡើងភាគច្រើនគឺមានទំនោរកាន់ជើងម្ចាស់ហាងហើយធ្វើការចោទប្រកាន់និងបន្ទោស ព្រមទាំងដៀលចរិតរបស់កញ្ញា លីវ ជីលី ផងដែរ។
សង្គ្រាមសម្ដីរវាងបុគ្គលល្បីនិងមានមុខមាត់នៅក្នុងសង្គមទាំងពីររូប នៅតែទទួលបានការចាប់អារម្មណ៍ពីសាធារណជន ព្រោះចង់ដឹងថាទីបញ្ចប់នឹងទៅជាយ៉ាងណា ព្រោះកន្លងមកកញ្ញា លីវ ជីលី ធ្លាប់បោះសម្ដីថានឹងប្រើផ្លូវច្បាប់ប្រសិនបើភាគីម្ចាស់ហាងបន្តផុសនូវសំណេរដែលធ្វើឱ្យប៉ះពាល់ដល់កិត្តិយសខ្លួន ខណៈម្ចាស់ហាងបានឆ្លើយតបវិញថាខ្លួនមិនខ្លាចនោះទេ បើសិនជាកញ្ញា លីវ ជីលី ប្រើផ្លូវច្បាប់ភាគីខ្លួនសា្វគមន៍ជានិច្ច៕