កាលពីយប់ថ្ងៃពុធទី២០ ខែតុលា ម្សិលមិញនេះ អ្នកនាង ស្រេង សុកាន់ដា ហៅខ្ញុង បានចេញមកប្រកាសទាំងនៅលើគណនី និងនៅលើផេករបស់ខ្លួនថា ឱ្យសាធារណជនបានដឹងចំនួន៤រឿង ក្នុងនោះមានរឿងដែលអ្នកនាងនឹងវេរប្រាក់ជំនួយសប្បុរសធម៌ជូនទៅម្ចាស់ប្រាក់វិញដោយសុំឱ្យម្ចាស់គណនីផ្ញើលេខ ABA មកកាន់អ្នកនាង ប៉ុន្តែគំនិតមួយនេះហាក់មិនត្រូវបានមហាជនគាំទ្រនោះឡើយ ដោយអ្នកចូលមកផ្ដល់យោបល់ភាគច្រើនបានផ្ដល់ជាដំបូន្មានផ្សេងៗដល់អ្នកនាងថាអ្នកនាងគួរតែរក្សាទុកប្រាក់នោះ។
បញ្ហាជំពាក់បំណុលគេជុំទិសរបស់តារាកំប្លែង ស្រីខ្ញុង ហាក់នៅមិនទាន់អាចរកទីបញ្ចប់បាន ព្រោះទោះជាសាមីខ្លួនបានចេញមកប្រកាសក្ស័យធុន និង សុំដើរចូលគុកដោយខ្លួនឯង ព្រមទាំងសុំថវិការមួយដុល្លារទុកទិញទឹកដោះគោកូននិងទុកឱ្យកូនរៀននោះ ក៏ស្រាប់តែលេចចេញនូវសាច់រឿងថ្មីសន្លាងផ្សេងៗទៀត ដូចជាគ្រូដោះបំណុលជួយស្រីខ្ញុងឱ្យរួចបំណុលជាដើម។ល។
សូមចុចអាន ស្រីខ្ញុង Live យំខ្សឹ.កខ្សួ.ល ប្រកាសក្ស័យធន ជាប់បំណុលជាង៥៧ម៉ឺនដុល្លារ!
បញ្ហាអស់ទាំងនេះបានធ្វើឱ្យមានការជជែកវែកញែក និងរិះគន់ទៅលើតារាកំប្លែងនិងជាតារាសម្ដែងរូបនេះយ៉ាងច្រើន រហូតទីបំផុតស្រីខ្ញុងខ្លួនឯងផ្ទាល់ដែលបាន Live បង្ហើបឱ្យដឹងពីចំនួនទឹកប្រាក់ដែលខ្លួនបានពីម្ចាស់ជំនួយជាង៥ម៉ឺនដុល្លារ ហើយច្រានចោលថាគ្រូដោះបំណុលរូបនោះមិនបានជួយខ្លួនហ្វ្រី (free) នោះទេ។
សូមចុចអាន សំណុំរឿងខ្ញុង៖ ចំណាយ៥០០ដុល្លារ ដើម្បីជួបគ្រូ បានលុយជាង ៥ម៉ឺនដុល្លារ
យ៉ាងណាមិញក្នុងចំណោមការលើកឡើងចំនួន៤រឿង គឺមានរឿងមួយ ស្រីខ្ញុង ចង់វេរប្រាក់ត្រលប់ទៅឱ្យម្ចាស់ថវិការដែលបានវេរមកជួយខ្លួន ប៉ុន្តែដូចបានលើកឡើងខាងលើដូច្នោះដែរ គឺមហាជនមិនគាំទ្រការសម្រេចចិត្តរបស់អ្នកនាងឡើយ ដោយហេតុផលជាច្រើននោះគឺមហាជនយល់ថានោះជាប្រាក់សទ្ធាដែលចេញពីចិត្តអាណិតស្រលាញ់ចំពោះរូបអ្នកនាង ហេតុនេះអ្នកនាងគួរតែរក្សាទុកចុះ ខណៈមតិខ្លះទៀតបានលើកទឹកចិត្តនិងផ្ដល់ជាកម្លាំងជូនអ្នកនាងឱ្យឆ្លងផុតការលំបាកនេះ ហើយរឹងមាំអាចក្រោកឈរសារជាថ្មីវិញ។ ខាងក្រោមនេះគឺជាមតិមួយចំនួនដែលសាធារណជនបានចូលមកឆ្លើយតបចំពោះការលើកឡើងរបស់អ្នកនាងស្រីខ្ញុង ដែលត្រយងសូមដកស្រង់មកជំរាបជូន៖
«ហាន់ណា ចងការលុយ អ្នកដែលគេឲ្យបងពិតប្រាកដគេមិនរិះគន់គេមិនយកវិញទេ អ្នកដែលមិនបានឲ្យពិតប្រាកដទេដែលតាំងខ្លួងឯងជាអ្នកឲ្យរិះគន់ជាន់ពន្លិចបងកុំទៅខ្វល់ជាមួយពួកគ្មានបេះដូងជាមនុស្សបែបនឹង។»
«Kim Liza · Followខ្ញុំជាម្ចាស់លុយ100$ ខ្ញុំបានជួយបងហេីយ ហេីយក៏ខ្ញុំមិនស្តាយក្រោយដែរ ព្រោះបងកំពុងពិបាកពិតមែន ខ្ញុំយល់»
«SreyMom FashionShop ស៊ូៗ បង ខ្ញុំជឿថា បងអាចធ្វើបាន រឹងមាំឡើង គិតសន្សឹមៗ លុយដែលឲទៅ តិចតួចណាស់មិនយកវិញទេ ក៏ជឿថាបងមានបញ្ហាមែន បងប្រឹងប្រែងដែរ តែពេលខ្លះ កម្មចាស់ឲផល បងកុំអស់សង្ឃឹម!»
«Darong Kambo សង្គមជាន់ពន្លិចដោយក្តីច្រណែន សង្ឃឹមថានឹងមានដំណោះស្រាយល្អ និងជោគជ័យណា។ អាណិតចេញពីចិត្ត»
«Sphea Oum បងក៏កុំព្យាយាមតតាំងទុកពេលវេលាដោះស្រាយបញ្ហាទៅបងបើគេមិនចង់ជួយតាមចិត្តគេទៅ។ហើយនិយាយនិងអគុណអ្នកដែលបានជួយបងទៅ.ហើយបងក៏ចាំកុំធ្វើវាខុសម្តងទៀត.បងនិយាយនិងតបតកាន់តែច្រើនកាន់តែខុស។»
បន្ទាប់ពីការផុសរបស់អ្នកនាង និងទទួលបានការលើកទឹកចិត្ត ការណែនាំ និងផ្ដល់ជាដំបូន្មានផ្សេងៗពីសាធារណជន ក៏ដូចជាអ្នកអាណិតស្រលាញ់ស្រីខ្ញុងហើយនោះ នៅមិនទាន់ឃើញស្រីខ្ញុងឆ្លើយតបនៅឡើយនោះទេ ប្រសិនបើមានដំណឹងឬប្រតិកម្មបែបណាពីស្រីខ្ញុង ត្រយងនឹងលើកយកមកផ្សាយជូនជាបន្តទៀត៕
ខាងក្រោមនេះគឺ៤រឿងដែលស្រីខ្ញុងបានចេញមកប្រកាសជាសាធារណៈ៖