រឿងរ៉ាវជំពាក់បំណុលរបស់តារាកំប្លែងខ្ញុងហាក់មានសភាពស្ងប់ស្ងាត់បន្តិហើយ បើប្រៀបធៀបទៅនឹងសប្ដាហ៍មុន ប៉ុន្តែថ្មីៗនេះក៏មានការចាប់អារម្មណ៍ថ្មីមួយដែរ ដោយសារតែម្ចាស់បំណុលម្ចាស់បានចេញមកចែករំលែករឿងរ៉ាវថ្មីៗរបស់ខ្លួនជាមួយនឹងកូនបំណុលអ្នកនាង ស្រេង សុកាន់ដា ថាពេលឃើញសភាពផ្ទាល់របស់អ្នកនាងបច្ចុប្បន្នលោកមិនដាច់ចិត្តទារ ថែមទាំងថវិការ៣០០ដុល្លារថែមឱ្យទៀត។
រឿងរ៉ាវរបស់អ្នកនាងខ្ញុង បានល្បីសុះសាយគ្មានអ្នកណាម្នាក់ដែលមិនដឹងថាពេលនេះអ្នកនាងក្ស័យធុននិងកំពុងជំពាក់បំណុលគេជុំទិសនោះទេព្រោះសាមីខ្លួនបានចេញមក Live សារភាព ក៏ដូចជាបកស្រាយច្រើនលើកច្រើនសារទៅហើយពាក់ព័ន្ធនឹងបញ្ហានេះ។
សូមចុចអាន ស្រីខ្ញុង Live យំខ្សឹ.កខ្សួ.ល ប្រកាសក្ស័យធន ជាប់បំណុលជាង៥៧ម៉ឺនដុល្លារ!
ក្នុងនោះស្រីខ្ញុងក៏បានឱ្យដឹងផងដែរពាក់ព័ន្ធនឹងអ្នកដែលបានផ្ដល់គំនិតឱ្យខ្លួនប្រើវិធីសាស្ត្រនេះមកដោះបំណុល ក៏ប៉ុន្តែអ្នកនាងអះអាងថាអ្នកនាងបានចាយប្រាក់៥០០ដុល្លារជាថ្នូរនឹងការមកជួបនិងផ្ដល់គំនិតនេះពីគ្រូដោះបំណុលម្នាក់។
សូមចុចអាន សំណុំរឿងខ្ញុង៖ ចំណាយ៥០០ដុល្លារ ដើម្បីជួបគ្រូ បានលុយជាង ៥ម៉ឺនដុល្លារ
យ៉ាងណាមិញម្ចាស់បំណុលមួយរូបឈ្មោះ Willy Martin (ឈ្មោះក្នុងបណ្ដាញសង្គម) បានចែករំលែកឱ្យដឹងថាលោក បានទៅជួបនិងឃើញទិដ្ឋភាពរស់នៅជាក់ស្ដែងរបស់អ្នកនាង ខ្ញុង ឃើញហើយពិតជាកម្សត់ណាស់ ធ្វើឱ្យម្ចាស់បំណុលរូបនោះខ្លោចចិត្តមិនដាច់ចិត្តបង្ខំទារលុយពីអ្នកនាងភ្លាមទេ ដោយមានចិត្តអាណិត និងក្ដុកក្ដួលខ្លាំងម្ចាស់បំណុលដដែលថែមទាំងដកលុយចេញពីហោប៉ៅខ្លួនចំនួន៣០០ដុល្លារជួយឧបត្ថម្ភជាដើមទុនសម្រាប់ការលក់របស់អ្នកនាង ដើម្បីឱ្យអ្នកនាងខ្ញុង ឆាប់រកបានប្រាក់មកដោះបំណុលដែលខ្លួនបានជំពាក់ជាបណ្ដើរៗ។
ម្ចាស់បំណុលបានសរសេររៀបរាប់នៅក្នុងបណ្ដាញសង្គមពីបញ្ហាខាងលើយ៉ាងដូច្នេះ៖
«ខ្ញុំជាម្ជាស់បំណុលមួយរូប តែដល់មកឃើញទិដ្ធិភាពជាក់ស្តែងកម្សត់បែបនេះ ខ្ញុំមិនដាច់ចិត្តបង្ខំទៀរយកលុយពីគាត់ភ្លាមៗទេ ថែមទាំងក្តុកក្ដួលក្នុងចិត្ត បែរជាអាណិតជួយ ឧបត្ថម្ភបន្តែម ទឹកប្រាក់300$ ដេីម្បីជួយសំរួលជាដេីមទុនលក់ដូរសំរាប់ទៅថ្ងៃមុខវិញ »