ភាពយន្តភាគ «Squid Game» មកដល់ពេលនេះមានចំនួនទស្សនាជាង១១១លានដង ដែលធ្វើឱ្យរឿងនេះបានក្លាយជារឿងដែលមានចំនួន
ទស្សនាច្រើនបំផុតនៅលើ Netflix ក្នុងនោះក៏មាន LeBron James (Super Star បាល់បោះ NBA) ប៉ុន្តែថ្មីៗនេះតារាបាល់បោះ NBA វ័យ៣៦ឆ្នាំ បែរជានិយាយនៅក្នុងសន្និសីទកាសែតមួយថាលោកមិនពេញចិត្តចំពោះភាគបញ្ចប់រឿងនេះ។
សូមចុចអាន ភាគបញ្ចប់រឿងភាគកូរ៉េល្បី «Squid Game» ធ្វើឱ្យ Super Star បាល់បោះ NBA ផ្ទុះកំហឹ.ង!
យ៉ាងណាមិញអ្នកនិពន្ធនិងដឹកនាំរឿងដ៏ល្បី «Squid Game» បានឆ្លើយតបចំពោះការយល់ឃើញរបស់ LeBron បែបឈឺៗវិញថា «ខ្ញុំគ្មានថ្ងៃផ្លាស់ប្ដូរភាគបញ្ចប់នោះទេ។ នោះគឺជាបញ្ចប់របស់រឿងខ្ញុំ»។
ថ្វីត្បិតតែលើកឡើងដូចបានពោលខាងលើ Hwang Dong-Hyuk ក៏បានសរសើរចំពោះ LeBron James ដែរពីអ្វីដែលលោកចង់និយាយ ដូច្នេះលោកគោរពចំពោះការយល់ឃើញនេះ។ ខ្ញុំអរគុណណាស់ដែលលោកបានទស្សនារឿងទាំងមូល ប៉ុន្តែលោកនៅតែឈរលើគោលការណ៍និងជំរើសរបស់លោកក្នុងការបញ្ចប់ភាពយន្តភាគនេះបែបនេះដដែល។
ជាចុងបញ្ចប់អ្នកនិពន្ធនិងដឹកនាំរូបនេះបាននិយាយលេងបែបកំប្លែងថា បើសិន LeBron មានគំនិតផ្ទាល់ខ្លួនសម្រាប់ភាគបញ្ចប់ដែលធ្វើឱ្យលោកពេញចិត្តនោះ លោកគួរតែធ្វើការងារនេះខ្លួនឯង។
ប្រហែលជាគាត់អាចបង្កើតរឿងដោយខ្លួនលោក ហើយខ្ញុំបានទស្សនារឿងនោះ ហើយប្រហែលជាមើលចប់ខ្ញុំផ្ញើសារទៅកាន់គាត់និយាយថា «ខ្ញុំចូលចិត្តរឿងរបស់លោក ប៉ុន្តែអត់ពេញចិត្តចំណុចចុងបញ្ចប់»៕
