កម្ពុជារកឃើញបវរកញ្ញាដែលនឹងតំណាងព្រះរាជាណាចក្រកម្ពុជានៅក្នុងកម្មវិធីប្រកួតបវរកញ្ញាចក្រវាឡឆ្នាំ២០២១ខាងមុខនេះហើយ ដោយនារីម្នាក់នោះគឺស្រីស្អាត ងិន ម៉ារ៉ាឌី ដែលជ្រើសរើសយកការតស៊ូមតិបញ្ឃប់ការរេីសអេីងអ្នកដែលស្រលាញ់ភេទដូចគ្នា។
កាលពីរាត្រីទី២៩ តុលា ម្សិលមិញនេះ កញ្ញា ងិន ម៉ារ៉ាឌី ឬ ងិន រ៉ូហ្សា បានក្លាយជាម្ចាស់ជយលាភីការប្រកួតប្រជែងកម្មវិធីប្រកួតសម្រស់ដ៏ធំមួយរបស់កម្ពុជាគឺ Miss Universe Cambodia 2021។ កញ្ញារូបនេះមានបទពិសោធជោគជ័យនៅក្នុងរង្វង់សិល្បៈ ព្រោះធ្លាប់មានបទពិសោធច្រើនដូចជាតារាម៉ូដែលជាដើម។
សម្រាប់អ្នកគាំទ្រកម្មវិធីខាងលើមួយភាគធំមិនសូវជាចម្លែកចិត្តនោះទេ ដែលស្រីស្រស់ ងិន ម៉ារ៉ាឌី ជាម្ចាស់មកុដនារាត្រីគ្រងមកុដនោះព្រោះកញ្ញាគឺជាបេក្ខនារីដែទាំងប្រជាប្រិយភាពនិងមានសមត្ថភាពទេពកោសល្យច្រើនដូចជាកាលពីថ្ងៃប្រកួតបឋមកញ្ញាក្ដោបបានពានចំនួនពីរតែម្នាក់ឯង។
សូមចុចអាន មកស្គាល់ស្រីស្អាត ៣រូប ក្ដោបពាន២ក្នុងដៃនារាត្រីប្រកួតបឋមកម្មវិធីបវរកញ្ញាចក្រវាឡកម្ពុជា!
គួរដឹងថាកម្មវិធីប្រកួត Miss Universe Cambodia រកឃើញស្រីស្អាត៣រូបជាម្ចាស់ជយលាភីដោយក្នុងនោះ ងិន ម៉ារ៉ាឌី ពាក់ស្លាកលេខ១៥ ជាប់ជយលាភីចំណាត់ថ្នាក់លេខ១ កញ្ញា ឆន ស្រីណេត ពាក់ស្លាកលេខ៥ ជាប់ជយលាភីរងលំដាប់ទីមួយ (លេខ២) និង កញ្ញា ម៉ាហ្គារ៉ែតជាប់ជយលាភីរងលំដាប់ទីពីរ (លេខ៣)៕