យោងតាមការចុះផ្សាយរបស់កាសែត L’Équipe របស់ប្រទេសបារំាងបានឲ្យដឹងថា៖ «សហម្ចាស់ក្លិប Saint-Étienne លោក Bernard Caïazzo និង Roland Romeyer សម្រេចពន្យាពេលលក់ក្លិប Saint-Étienne ជាបន្តក្រោយគម្រោងលក់ក្លិបត្រូវបានផុតកំណត់ និងមិនអាចស្វែងរកម្ចាស់ក្លិបថ្មីបាន»។
ក្រុម Saint-Étienne ក្រោមការដឹកនាំរបស់លោក Claude Puel ទើបតែទទួលបានជ័យជម្នះលើកដំបូងរបស់ខ្លួនក្នុងក្របខណ្ឌ Ligue 1 រដូវកាល 2021-22 ជាមួយលទ្ធផលយ៉ាងប្រផិតប្រផោយ ៣-២ លើក្រុម Clermont Foot កាលពីសប្តាហ៍កន្លងទៅ ដោយឡើងឈរលេខ១៩ មាន៩ពិន្ទុពីការប្រកួតចំនួន១៣លើក ឈ្នះ១ ស្មើ៦ និងចាញ់៦លើក។
អត្ថបទពាក់ព័ន្ធ៖ក្រុមហ៊ុន១៧ និងយីហោល្បីៗ២២ នៅពីក្រោយព្រះអង្គ នរោត្តម រ៉ាវីចក្រ ស្នើទិញក្លិបបារាំង
ទន្ទឹមនឹងនេះ ព្រះអង្គម្ចាស់ នរោត្តម រ៉ាវីចក្រ នៅតែស្ថិតក្នុងការប្រកួតប្រជែងទិញក្លិប Saint-Étienne ដដែលទោះបីធ្លាប់លិចលឺដំណឹងអំពីការចង់ដកព្រះកាយចេញក៏ដោយ ពោលគឺទ្រង់គ្រោងនឹងធ្វើដំណើរទៅកាន់ទីក្រុងប៉ារីស ឆាប់ៗខាងមុខនេះ ដើម្បីជួបជាមួយក្រុមហ៊ុនសវនកម្ម KPMG។
ជាមួយគ្នានេះដែរ អតីតកីឡាករក្រុម Les Verts លោក Mathieu Bodmer និងអតីតប្រធានក្លិប Marseille លោក Jean-Michel Roussier បានសហការគ្នា ជាបេក្ខភាពទិញយកក្លិបមួយនេះផងដែរ ព្រមទាំងមានការពេញចិត្តពីសហម្ចាស់ក្លិប Saint-Étienne នាពេលបច្ចុប្បន្ន។
អត្ថបទពាក់ព័ន្ធ៖សម្តេច នរោត្តម ចក្រព័ង្ស់៖រឿងទិញក្លិបបាល់ទាត់បារាំង របស់បុត្រទី៨ ជាការវិនិយោគឯកជនសុទ្ធសាធ